An difríocht idir athruithe ar: "Círéibeacha Bhaile Átha Cliath 2006"

Phléasc '''círéibí [[Bhaile Átha Cliath]]''' amach ar an [[25 Feabhra|25ú lá de Mhí Feabhra]], [[2006]], nuair a bhí an eagraíocht úd ''[[Love Ulster]]'' ag iarraidh máirseáil na ndrumaí móra a chóiriú i lár na cathrach i stíl na n[[Oráisteach]] le súil a tharraingt ar a gcruachás siúd a bhí thíos le buamanna an [[IRA]] i d[[Tuaisceart Éireann]]. Bhí an mórshiúl seo ina ábhar conspóide go háirithe ag na dreamanna éagsúla "Poblachtánacha" i bhfad roimh ré, ach d'ordaigh a gcinnirí siúd do lucht a leanúna gan cur in aghaidh na b[[Protastúnach]]. Nuair a tháinig lá an chaighdeáin, áfach, d'éirigh ina chogadh dearg idir na [[Gardaí]] agus na fir óga a bhí bailithe le bac a chur leis an máirseáil, agus b'éigean an mórshiúl féin a chur ar ceal. Fuair na círéibeadóirí an lámh in uachtar ar na Gardaí, agus mhair siad ag loitiméireacht ar fud lár na cathrach ar feadh i bhfad. Rinneadh foghail agus creachadh ar chuid mhaith de na siopaí, agus tugadh leadhbairt do thriúr siopadóirí de phór na h[[Áise]].