An difríocht idir athruithe ar: "Peadar de Lása"

Rugadh i g[[Cill Íde]] in iarthar [[Contae Luimnigh|Chontae Luimnigh]] do chlann [[Normannaigh|Normannach]] a chuir fúthu san áit sa [[12ú haois]]. Uaisle [[Caitliceach]] ab ea a mhuintir agus throideadar ar son airm an Rí Shéamuis II le linn an Chogaidh Liamach agus cé nánach raibh sé ach 13 bliana d’aois ag an am, throid An Lásach mar leifteanant i bhfórsaí na hÉireann faoi cheannas [[Pádraig Sairséal|Phádraig Sairséil]] le linn [[Luimneach|Léigear Luimnigh]].

Tar éis Chonradh Luimnigh sa bhliain 1691, theith sé lena athair agus a dheartháir go dtí [[an Fhrainc]] i dteannta leis [[na Géanna Fiáine]]. Nuair a chailleadh a ghaolta ag troid le Briogáid na hÉireann ar son Rí Lua XIV na Fraince san [[An Iodáil|Iodáil]], d’aistrigh sé go Arm na [[An Ostair|hOstaire]]. Chaith sé dhá bhliain ann sular lean sé a cheannfort Charles Eugène de Croy isteach in arm nua na Rúise a bhí á eagrú ag an am ag an Impire Peadar Mór.

Tháinig sé ar ais san arm i gcomhair Cogadh Leanúnacht na Polainne agus b’é An Lásach a dhíbir Stanisław Leszczyński ó Bhársá go [[Gdańsk]]. I ndiaidh Léigear Gdańsk sa bhliain 1734, mháirseáil sé siar lena thrúpaí go dtí an Réan i dteannta le arm Eoghan Savoia.

Glaodh arís ar an Lásach nuair a thosaigh cogadh eile i gcoinne na [[Sualannaigh]] agus ceapadh mar ceannfort an Airm Impriúlachta é. Chuir an arm le chéile go rí-thapaidh agus, tar éis na Sualannaigh a ghlanadh amach as an [[An Fhionlainn|bhFionlainn]] go léir de bharr cathanna Vilmanstrand, Frederikshamn, Porvoo agus Hämeenlinna agus léigear [[Heilsincí|Helsinki]], ghéilleadar dó sa bhliain 1742.

D’fhill An Lásach arís ar [[Ríge|Riga]], áir ar éag sé ar an [[19 Aibreán|19ú Aibreán]] [[1751]]. Ba cheann de cheannairí is cáiliúla in Arm na hOstaire sa dara leath den [[18ú haois]] mac An Lásaigh, Prionnsias de Lása (''Franz Moritz von Lacy'' as [[Gearmáinis]]). Cliamhain dó ab ea [[Seoirse de Brún]], Luimníoch eile a d'fhreastal mar cheannaire eile Airm Impriúla na Rúise, a phós a iníon Eibhlín.