An difríocht idir athruithe ar: "Hong Cong"

[[Íomhá:Flag of Hong Kong.svg|thumb|110px|left|Bratach]]

Ghabh na Seapánaigh seilbh ar Hong Cong ar feadh breis is trí bliana go leith le linn an [[Dara Cogadh Domhanda]], ach ghéill siad ar an [[15 Lúnasa]] [[1945]] agus bhí na tailte ar ais i seilbh na Breataine. Tháinig meath ar an gcalafort ar feadh tamaill tar éis do na [[Cumannachas|Cumannaigh]] teacht i gcumhacht sa tSín, ach cuireadh tionscal mór teicstíle ar bun agus d'fhás an eacnamaíocht go mear. De réir a chéile cuireadh tionscail déantúsaíochta eile ar bun sa choilíneacht agus rinneadh an-fhorbairt ar bhaincéireacht agus ar chomhlachtaí airgeadais.

 

Níorbh fhada go raibh Hong Cong ar cheann de na críocha ba shaibhre ar domhan. Sna [[1980í]] bheartaigh rialtas [[Margaret Thatcher|Maggie Thatcher]] na Breataine ar fhlaitheas Hong Cong a phlé leis an tSín. Aontaíodh go mbeadh na tailte uile tugtha ar ais don tSín ach go mbeadh neamhspleáchas áirithe ag Hong Cong mar ''Cheantar Speisialta Riaracháin'' ionas nach gcuirfí isteach ar an gcóras an rachmais.