An difríocht idir athruithe ar: "Tom Crean"

D’fhill Crean, Lashly agus Evans 146 míle (268 ciliméadar) ón bPol ar [[4 Eanáir]] [[1912]], agus thug siad aghaidh ar thuras fillte go dtí an campa. Thart ar thús mhí Feabhra, bhí an Leifteanant Evans ag éirí an-tinn le [[Galar|galar carrach]], agus ó [[13 Feabhra]] [[1912]], céad míle ó shábháilteacht an champa, bhí ar Crean agus Lashly é a tharraingt ar an gcarr sleamhnáin, rud a chuir moill níos mó ar an triúr agus na soláthairtí [[bia]] ag éirí an-íseal.

[[Íomhá:Tom Crean2b.JPG|mion|276x276px|Endurance (1914)]]

 

Agus 35 míle fágtha (4-5 lá taistil, gan ach beirt ag tarraingt an chairr sleamhnáin) agus gan níos mó ná 1-2 lá bia fágtha, socraíodh go siúlfadh duine den bheirt ina aonar chun cúnamh a fháil, fad is a d’fhan an duine eile le Evans. Thairg Tom Crean an siúl a dhéanamh. Thóg sé ocht n-uaire déag chun an tsiúlóid 35 míle ina aonar a dhéanamh thar an oighear chun an campa a shroicheadh, agus gan ach trí [[Briosca|bhriosca]] agus roinnt seacláide le n-ithe aige, thit sé i mbun a chos díreach tar éis dó an campa a shroicheadh leathuair roimh shíobadh [[sneachta]] fíochmhar a mharódh é, is dócha, agus a chuir moill lá go leith ar an mbuíon tarrthála. D’éirigh leis an tarrtháil, áfach, agus tugadh Lashly agus Evans ar ais chuig an gcampa beo, ní hionann agus buíon Scott sa mhol. Tugadh ''Bonn Albert'' do Crean agus Lashly as ucht beatha Evans a shábháil.

Dála Scott, bhí an-mhuinín ag Shackleton as Crean. Tar éis scrios a longa san oighear, bhí ar an bhfoireann na báid tarrthála a sheoladh trasna oighearmhá na Mara Weddell agus ansin rámhaíocht go h[[Oileán Eilifint]]. Nuair a shroich siad an áit, rinne siad ceann de na báid tarrthála a atógáil – sheol an James Caird agus cúigear, Shackleton agus Crean ina measc, go [[Seoirsia Theas]] chun cúnamh a fháil. Tá sé seo ar cheann de na turais i mbád beag oscailte is iontaí sa stair.

[[Íomhá:Crean & Cheetham.JPG|mion|Tom Crean (thuas) agus Alf Cheetham, Endurance, 1914]]

 

== Níos déanaí ina shaol ==