Stróc

Fabht sa chóras fola a bhaineann den inchinn is den cholainn i bhfoirm máchaile é stróc (teagmhas ceirbreashoithíoch an téarma teicniúil).

Stróc

Cineál	galar ceirbreashoithíoch, siomptóm néareolaíoch agus comhartha ginearálta
Speisialtacht leighis	néareolaíocht agus néaramháinliacht
Cóireáil chliniciúil
Scrúduithe	ROSIER scale (en) agus Orpington Prognostic Scale (en)
Cógais pentoxifylline (en)
Ualach tinnis	141,348,082
Pataigineas
Suíomh	inchinn Dhaonna
Cúis ghéiniteach	ZFHX3, SPSB4, ALDH2, ADAMTS12, ADAMTS2, HDAC9, CRYBG1, IMPA2 agus KALRN
Aicmiú
ICD-11	8B20
CIAP	K90
Acmhainní seachtracha
Enciclopèdia Catalana	0248841 agus 0108630
OMIM	601367
DiseasesDB	2247
MedlinePlus	000726
eMedicine	1159752, 1916852, 1916662 agus 323662
Patient UK	cerebrovascular-events
MeSH	D020521
UMLS CUI	C0751956 agus CL461690

Póstaer ó Fhundúireacht Croí na hÉireann a thugann comharthaí strócanna, an feachtas FAST

Tá dhá phríomchineál stróic ann; stróc de bharr iscéime (tarlaíonn seo nuair a bhlocáiltear feadán fola tábhachtach agus cuimsíonn seo 87% de strócanna) agus stróc de bharr rith fola (cuireann an rith fola brú ar an gcuid den inchinn atá ina aice).

An tríú cineál stróic is coitianta ná rith fola fo-aracnóideach.

Scríobh Matt Husseyː

Dochar don inchinn de bharr soláthar easnamhach fola don inchinn, agus mar sin soláthar easnamhach ocsaigine is aistriú easnamhach dé-ocsaíd charbóin is táirgí meitibileachta eile amach as an inchinn.

Is féidir leis tarlú trí cheann de na heachtraí seo: scoilteadh artaire taobh istigh den inchinn nó ar an mbealach isteach inti, rith fola, bacadh artaire le heambólacht, cnapán fola nó bolgán aeir, nó caolú artaire de bharr plaic steanóise a bheith leagtha síos taobh istigh de bhallaí an artaire.

Braitheann déine an stróic ar an oiread den inchinn a scriostar, agus an chuid ar leith den inchinn a scriostar. Is féidir le stróc a bheith marfach.

Muna marfach é, is féidir go mbeidh damáiste déanta don radharc nó an guth, deacracht i dtuiscint urlabhra, agus easpa mothúchán is feidhmiúchán sna géaga, de ghnáth ar thaobh amháin den cholainn.

Ag brath ar dhéine an stróic, is féidir go dtiocfaidh feabhas ar na riochtaí seo taobh istigh de nóiméid, nó de réir a chéile de bharr teiripe thar mhíonna, nó nach dtiocfaidh feabhas go bás. Má dhéanann an bunstróc dochar do na láir análaithe i stoc na hintinne, seans go bhfaighidh duine bás go luath.

Féach freisin

• Stróc teasa