Tuairt traenach Tempi
Tharla timpiste thraenach Tempi ar 28 Feabhra 2023 sa Ghréig ; maraíodh 57 duine agus gortaíodh 85 nuair a ghread traein lastais agus traein paisinéirí in éadan a chéile faoi mhórluas.[1] Bhí go leor daoine óga – mic léinn a mbunáite – i measc na marbh.
| ||||
| Cineál | tuairt traenach raic traenach tul-imbhualadh  | |||
|---|---|---|---|---|
| Dáta na bliana | 28 Feabhra 2023 (23:24. Am Oirthear na hEorpa) | |||
| Suíomh | Evangelismos, An Ghréig (en)  , Tempi Municipality, An Ghréig (en) | |||
| Tír | an Ghréig | |||
| Connecting line (en) | Piraeus-Platy railway (en) | |||
| Pointe imeachta | an Aithin, An Ghréig | |||
| Críochphointe | Teasaloinicé, An Ghréig | |||
| Oibreoir | Hellenic Train (en) | |||
| Cúis | earráid dhaonna | |||
| Líon básanna | íosmhéid 57 | |||
| Líon gortaithe | íosmhéid 85 | |||
An timpiste cuir in eagar
Bhí an traein paisinéirí ar a bealach ón Aithin go Teasaloinicé i dtuaisceart na Gréige ag an am, agus 350 paisinéir ar an traein. Bhí an traein lastais ar a bealach ó Theasalóinicé go Larissa. Is i ngleann soir ó thuaidh ó chathair Larissa i lár na tíre a tharla an tubaiste.
Chuaigh an chéad cheithre charráiste den traein paisinéirí de na ráillí de bharr an bhrúscáin. Chuaigh ansin an chéad dá charráiste trí thine agus gur bheag nár scriosadh go huile agus go hiomlán iad.[1]
Iarmhairtí cuir in eagar
Bhí máistir stáisiúin Larissa gafa agus cúisithe ag na póilíní maidir leis an tubaiste. Bhí sé curtha ina leith gurbh é a mhórfhaillí ba chionsiocair le bás an 57 duine. Ach mhaígh sé féin gur fabht teicniúil ba chúis leis an tionóisc. Ar 1 Márta 2023, d'éirigh Kostas Karamanlis,[2] Aire Iompair na Gréige as oifig ós air a bhí an fhreagracht pholaitiúil as cúrsaí iarnróid. D'admhaigh Rialtas na Gréige go raibh faillí déanta le rófhada i mbainistiú ghréasán iarnróid na tíre.[3] Dhearbhaigh an rialtas go bhfiosrófaí, i bhfianaise na tubaiste, cén fáth a raibh an oiread moille ar oibreacha feabhsúcháin ar an iarnród.
Cúlra cuir in eagar
Dhíol Rialtas na Gréige comhlacht iarnróid an stáit le comhlacht stáit na hIodáile (Ferrovie dello Stato Italiane) in 2017 le súil go n-infheisteofaí na céadta milliún euro i gcúrsaí bonneagair. Ach sa bhliain 2023, bhí córas iarnróid na Gréige seanchaite fós agus géarghá lena nua-aoisiú.[3]
Féach freisin cuir in eagar
Tagairtí cuir in eagar
- ↑ 1.0 1.1 Nuacht RTÉ (2023-03-01). "36 duine maraithe i dtimpiste traenach sa Ghréig" (as ga-IE).
- ↑ "Kostas Karamanlis (politician, born 1974)" (as en) (2023-03-02). Wikipedia.
- ↑ 3.0 3.1 Nuacht RTÉ (2023-03-02). ""Faillí déanta le rófhada i mbainistiú chóras iarnróid na Gréige"" (as ga-IE).