Urjala

Ceantar san Fhionlainn is ea Urjala (Urdiala as Sualainnis, cé nach n-úsáidtear an leagan Sualainnise go minic inniu). Tá Urjala suite i gcúige na Fionlainne Thiar, nó i gcúige traidisiúnta na Tabhastlainne. Tá 5540 duine ina gcónaí ansin. Tá Urjala ag críochantacht le Forssa, Humppila, Kylmäkoski, Kalvola, Tammela, Punkalaidun, Vesilahti, agus Vammala.

Urjala
Armas
Suíomh
61° 05′ N, 23° 33′ E
Stát ceannasach	an Fhionlainn
Regional State Administrative Agency (en)	Western and Central Finland Regional State Administrative Agency (en)
Réigiún de chuid na Fionlainne	Pirkanmaa
Daonra
Iomlán	4,568 (2023)
• Dlús	9.61 hab./km²
Teanga oifigiúil	an Fhionlainnis
Tíreolaíocht
Suite san aonán críochach staitistiúil	Southern Pirkanmaa (en)
Achar dromchla	475.53 km²
Ar theorainn le	Akaa Punkalaidun Sastamala Tammela Hämeenlinna Forssa Humppila Vesilahti
Sonraí stairiúla
Cruthú	1868
Eagraíocht pholaitiúil
Comhlacht reachtach	comhairle bardasach Urjala
Aitheantóir tuairisciúil
Lonnaithe i gcrios ama	UTC+02:00 UTC+03:00
Eile
Suíomh gréasáin	urjala.fi

Loch Kortejärvi in Urjala

Is í an Fhionlainnis an t-aon teanga dhúchasach amháin a labhraítear in Urjala, agus ní bheifeá ag súil lena mhalairt sa Tabhastlann.

Nuutajärvi - Sráidbhaile na Gloine

Is é "sráidbhaile na gloine" (lasikylä), Nuutajärvi, an áit is mó le rá in Urjala inniu. Is iad na séiteoirí traidisiúnta gloine a thuill a clú do Nuutajärvi, agus is féidir earraí gloine a cheannach sa sráidbhaile a séideadh de réir na seanmhodhanna oibre. Tá radharc ag na daoine ar an gceárta gloineadóireachta, i gcruth is go bhfeiceann siad an dóigh a bhfuiltear ag séideadh gloine. Bunaíodh monarcha gloine Nuutajärvi sa bhliain 1793, agus is í an mhonarcha gloine is sine san Fhionlainn. Tá scoil séiteoireachta gloine san áit freisin.

I nDilchuimhne ar Väinö Linna

Is follasach nach ligtear cuimhne Väinö Linna i ndearmad ach an oiread. Gach bliain, ceiliúrtar Féile Pentinkulma, nó Pentinkulman päivät, in Urjala, agus na scríbhneoirí is an lucht léinn ag teacht le chéile i ndeireadh Mhí Iúil nó i dtús Mhí Lúnasa le tábhacht an scríbhneora i gcultúr na Fionlainne a phlé nó le gnéithe de stair na Fionlainne a chardáil a bhfuil baint acu le saol is le saothar Väinö Linna, ar nós an chogaidh chathartha. Is é cumann cuimhneacháin Väinö Linna, nó Väinö Linnan seura, a chóiríonn an fhéile.