Vestmannaeyjar

Vestmannaeyjar an t-ainm atá ar oileánra beag amach ó chósta theas na hÍoslainne. Rugadh agus tógadh Heimir Hallgrímsson ann.

Vestmannaeyjar
Suíomh
63° 24′ 59″ N, 20° 16′ 58″ O
Náisiún oileánda	an Íoslainn
Réigiún na hÍoslainne	Suðurland
Daonra
Iomlán	4,523 (2023)
• Dlús	277.48 hab./km²
Tíreolaíocht
Achar dromchla	16.3 km²
Suite i nó in aice le limistéar uisce	an tAigéan Atlantach
Pointe is airde	Heimaklettur (en) (283 m)
Eagraíocht pholaitiúil
• Ceannaire an rialtais	Íris Róbertsdóttir (2022–)
Aitheantóir tuairisciúil
Cód poist	900, 902
Lonnaithe i gcrios ama	UTC±00:00
Cód ISO 3166-2	IS-VEM
Eile
Suíomh gréasáin	vestmannaeyjar.is

Stair

‘Oileáin Fhir an Iarthair’ is ciall don logainm agus is do Ghaeil na hÉireann agus na hAlban atá an mhír ‘Vestmann’ ag tagairt. Is é sin an t-ainm a thug na Lochlannaigh ar na Gaeil ag an am mar gurbh as an Iarthar iad i gcomparáid le Críoch Lochlann féin.

Dar le lámhscríbhinní ársa na Lochlannach, bhí manaigh Éireannacha san Íoslainn sular bhain siad féin an t-oileán amach sa 9ú céad ach is cosúil gur le hÉireannaigh eile, sclábhaithe Gaelacha le bheith beacht, a bhaineann na Vestmannaeyjar.

Ingólfur Arnarson ab ainm don chéad Lochlannach a lonnaigh san Íoslainn agus bhí bráthair gaoil aige darbh ainm Hjörleifur. Mar ba dhual do na Lochlannaigh ag an am, bhí tráileanna, nó sclábhaithe, ag Hjörleifur – Gaeil a bhí iontu a fuadaíodh ar cheann de na ruathair a thug Hjörleifur ar Éirinn.

Tharla sé áfach gur mharaigh na sclábhaithe Gaelacha seo Hjörleifur i ndeisceart na hÍoslainne in 875 sular theith siad go dtí na hoileáin bheaga amach ón chósta, áit ar maraíodh a bhformhór tamall ina dhiaidh sin. Léiríonn an scéal seo an dlúthnasc idir na Gaeil agus muintir na hÍoslainne, agus tá an tionchar sin go fóill le brath in ainm an oileanrá agus i stair an cheantair.

Féach freisin

• Réicivíc
• Heimir Hallgrímsson