Aa (abhainn)

Is éard is Aa ann ná ainm a thugtar ar a lán aibhneacha beaga Eorpacha. Tagann an focal ón tSean-Ghearmáinis aha, atá gaolmhar leis an bhfocal Laidine aqua, uisce (féach fosta an iarmhír Ghearmánach -ach). Faightear Au agus Aue sa teanga Ghearmánach freisin, cosúil le å i dteangacha Gearmánacha Thuaidh; abhainn leathmhór atá i gceist sna cásanna go léir seo. Mar ea, is ainmneach Béarla é freisin, i bpáirt leis an lucht Scrabble; sruth an chiall leis.

Seo iad a leanas na haibhneacha is tábhachtaí darb ainm seo:

• san Fhrainc:
  • an abhainn Aa, i dtuaisceart na Fraince, a ritheann isteach sa Mhuir Thuaidh ag Gravelines agus atá inseolta chomh fada le Saint-Omer.
• san Eilvéis:
  • Sarner Aa, craobh-abhainn de chuid Locha Lucerne.
  • Engelberger Aa, craobh-abhainn eile de chuid Locha Lucerne.
  • Aabach, sa dá chantún Lucerne agus Aargau, a iompraíonn uiscí Lochanna Baldegg agus Hallwil isteach san Aar in aice le Lenzburg.
• sa Ghearmáin:
  • an Aa san Iarfhália (Westfälische Aa), a éiríonn sa Choill Teutoburg agus a bhuaileann leis an Werre ag Herford.
  • an Aa i Münster (Münstersche Aa), craobh-abhainn de chuid na Ems in aice le Münster.
  • an Aa mór (Große Aa), craobh-abhainn eile de chuid na Ems in aice le Lingen.
  • agus cúpla ceann eile (Ahauser Aa, Alstätter Aa, Bocholter Aa, Grenzaa, Ibbenbürener Aa, Speller Aa, Steinfurter Aa).
• san Ísiltír:
  • Drentse Aa, abhainn bheag sa dá chúige Drenthe agus Groningen agus a ritheann freisin trí chathair Groningen.
  • Aa, abhainn i Brabant Thuaidh, a ritheann trí Helmond agus 's-Hertogenbosch.
  • Aa nó Weerijs, freisin i Brabant Thuaidh, abhainn bheag in aice le Breda.
  • mórán aibhneacha beaga agus canálacha i gcúige Groningen, mar Pekel Aa, Ruiten Aa, Mussel Aa.
• san Laitve:
  • Lielupe (as Gearmáinis Kurländische Aa)
  • Gauja (as Gearmáinis Livländische Aa), an dá chuid le chéile ag rith isteach i Murascaill Ríga in aice le Ríga