B. Traven
Scríbhneoir Gearmánach a bhí in B. Traven (Feabhra, 1882? – 26 Márta, 1969?) nach bhfuil a fhios againn mórán ina leith. Scríobh sé sraith úrscéalta eachtránaíochta faoi Mheicsiceo, áit ar shocraigh sé síos i ndiaidh dó an Eoraip a fhágáil ina dhiaidh. Creidtear gurbh ionann eisean agus an t-ealaíontóir agus an t-ainrialaí Ret Marut, a chuaigh ar imirce ón Eoraip timpeall ar an mbliain 1924. Dealraíonn sé gurbh é Otto Feige a fhíorainm agus gur rugadh i Schwiebus, cúige Bhrandenburg (inniu: Świebodzin sa Pholainn) é sa bhliain 1882, ach tá teoiricí eile ann freisin. Bhí baint aige le Berick Traven Torsvan agus Hal Croves, beirt fhear a bhí sásta, in amanna éagsúla de shaol Traven, freastal ar a chuid gnóthaí i bhfianaise daoine eile, agus creidtear gurbh é Traven féin a bhí i gceist le Torsvan agus Croves, is é sin, nach raibh i gceist leo ach ainmneacha ceilte a ghlac Traven air féin. Is éard a d'áitigh Torsvan agus Croves, áfach, nach raibh iontu ach idirghabhálaithe a bhí ag tabhairt aire do ghnóthaí Traven. Fuair Croves bás ar an 26 Márta, 1969 i gCathair Mheicsiceo.
.jpg) (1923)  | |
| Ainm sa teanga dhúchais | (de) Bruno Traven |
|---|---|
| Beathaisnéis | |
| Breith | 9 Deireadh Fómhair 1882 (>23 Feabhra 1882) Świebodzin, An Pholainn |
| Bás | 26 Márta 1969 86 bliana d'aois Cathair Mheicsiceo, Meicsiceo |
| Faisnéis phearsanta | |
| Áit chónaithe | München |
| Teanga dhúchais | an Ghearmáinis |
| Gníomhaíocht | |
| Suíomh oibre | München |
| Gairm | feithideolaí, scríbhneoir scripte, ceardchumannaí, úrscéalaí, scríbhneoir, Easparantóir |
| Tréimhse oibre | 1926 – 1968 |
| Ainm cleite | Robert Bek-gran Berick Traven Torsvan Traves Torsvan B. T. Torsvan Jacob Torice Wilhelm Scheider Heinrich Otto Becker Herman Albert Otto Max Feige Otto Wienecke Adolf Rudolf Feige T. Torsvan Otto Feige Bruno Traven Anton Raderscheidt Fred Maruth Richard Maurhut Traven Torsvan Ret Marut Hal Croves Goetz Öhly Fred Gaudet Bruno Marhut Robert Marut Fred Mareth Rex Marut Red Marut Albert Otto Max Wienecke |
| Teangacha | Esperanto agus an Ghearmáinis |
| Saothar | |
Saothar suntasach
| |
      | |
Is iad na húrscéalta is clúitiúla dár tháinig ó pheann Traven ná Der Schatz der Sierra Madre ("Stórchiste Sierra Madre") agus Das Totenschiff ("Long na Marbh"), chomh maith le "sraith Caoba", is é sin, sraith an mhahagaine: Der Karren ("An Trucail"), Regierung ("Rialtas"), Der Marsch ins Reich der Caoba ("An Mhairseáil go Ríocht an Caoba"), Die Troza ("An Troza"), Die Rebellion der Gehenkten ("Éirí Amach na gCrochairí"), agus Ein Generál kommt aus dem Dschungel ("Ginearál ag Teacht amach as an Dufair").
Scríobh Traven a chuid leabhar as Gearmáinis agus d'aistrigh sé go Béarla iad ina dhiaidh sin, agus is minic a d'athraigh sé mionrudaí nó fiú imeachtaí scéil sna haistriúcháin. D'áitíodh sé féin gur aistriúcháin a bhí sna téacsanna Gearmáinise agus gurbh iad na leaganacha Béarla na bunscéalta, ach ní ghlacann na saineolaithe an ráiteas seo i ndáiríre. Bhí úrscéalta Traven lán eachtraí sceitimíniúla agus iad suite i saol corrach Mheicsiceo i ré na réabhlóide, ach san am chéanna, bhí siad ar maos le criticeoireacht Shóisialach ar an gcaipitleachas.
Léigh freisin
cuir in eagar- TRAVEN, B: Der Schatz der Sierra Madre. Mit Materialien, zusammengestellt von Jörg Schubert. Ernst Klett Verlag, Stuttgart/Düsseldorf/Leipzig 2007. ISBN 3-12-260880-4
- TRAVEN, B: Das Totenschiff. Diogenes Taschenbuch und Büchergilde Gutenberg, Frankfurt am Main 1983. ISBN 978-3-257-21098-9