Binse Fiosraithe um Ábhair Phleanála agus Íocaíochtaí Áirithe

(Athsheolta ó Binse Fiosraithe Mahon)

Bunaíodh an Binse Fiosraithe um Ábhair Phleanála agus Íocaíochtaí Áirithe le cúrsaí pleanála i mBaile Átha Cliath a fhiosrú sna 1990idí. Bhunaigh an Dáil an Binse sin sa bhliain 1997; thosaigh imeachtaí an Bhinse ar 4 Samhain 1997; agus tháinig tuarascáil eatramhach amach sa bhliain 2002. D’eisigh sé a chúigiú tuarascáil, arb í a thuarascáil deiridh í, i Márta 2012 agus tháinig deireadh leis ar 22 Márta 2012.[1]

Talamh a bhí zónáilte faoi choinne forbraíochta i gContae Bhaile Átha Cliath sa 20ú haois agus ba mhór an éadáil é sin do na forbróirí réadmhaoine


Is é an breitheamh Alan Mahon a bhí i gceannas ar an mBinse ón bhliain 2000 ar aghaidh agus is é Binse Fiosraithe Mahon a thugtar air go hiondúil (nó Binse Mahon).

Ray Burke in 1988 (ar chlé)

Tháinig an Breitheamh Mahon i gcomharbacht ar an mbreitheamh Feargus Flood, nuair a d'éirigh Flood as sa bhliain 2000 (chuaigh sé ar scor). Tugadh Binse Fiosraithe Flood air i rith an tréimhse Flood (nó Binse Flood).

ÉilliúCuir in Eagar

Bhí an t-éilliú i réim fud fad an chórais phleanála i gContae Bhaile Átha Cliath agus áiteanna eile in Éirinn sa 20ú haois. I measc na gcoireanna, ghlac an TD Liam Lawlor agus an aire rialtais Ray Burke le breabanna.

I measc na leabhar ba mhó díol in Éirinn in 2002, bhí tuarascáil eatramhach an Bhreithimh Flood, ar díoladh breis agus 25,000 cóip di. Dhamnaigh an tuarascáil an bheirt iar-Theachta Dála de chuid Fhianna Fáil, Ray Burke agus Liam Lawlor. De réir na tuarascála seo, ghlac an tAire Burke na mílte punt ó thógálaithe ar nós Mr Bailey, Mr Brennan agus Mr McGowan.[2]

"Ar bhonn áitiúil, thug comhairleoirí áirithe droim láimhe do mhianta na ndaoine a thogh iad nuair a rinne siad athchriosú ar thalamh ghlas ar mhaithe le tríocha bonn airgid. Ba mhó an masla dár bpobal tacaíochta é nuair a cumadh bréaga áiféiseacha faoin airgead a tugadh dóibh."[3]

Tionchar ar Pharthalán Ó hEachthairnCuir in Eagar

Bhí 'rath fáistine'[4] ag Bertie Ahern leis na caiple [d'éirigh Ahern as mar Thaoiseach sa bhliain 2008].[3] D'fhógair Bertie Ahern (Parthalán Ó hEachthairn) go n-éireodh sé as a phost mar Thaoiseach agus mar cheannaire Fhianna Fáil ar 2 Aibreán 2008 de bharr an bhrú a bhí ag teacht air ón mbinse fiosraithe.

MoltaíCuir in Eagar

Rinne Binse Mahon 64 moladh a raibh sé mar aidhm acu feabhas suntasach a chur ar thrédhearcacht na pleanála in Éirinn i gcomhthéacs easnaimh shuntasacha stairiúla i ndáil le cinnteoireacht maidir le pleananna forbartha údaráis áitiúil agus maidir le feidhmeanna pleanála eile.[5]

Bhí ceapadh Rialaitheoir Pleanála neamhspleách, ag a mbeadh cumhacht chun formhaoirseacht a dhéanamh ar an gcóras pleanála in Éirinn, ar cheann de phríomhmholtaí an Bhinse. Bunaíodh Oifig an Rialaitheora Pleanála (ORP) go foirmiúil i mí Aibreáin 2019 de bhun moltaí a rinne Binse Mahon.

Féach freisinCuir in Eagar

Naisc SheachtrachaCuir in Eagar

TagairtíCuir in Eagar

  1. Google. "site:.ie "binse mahon" - Cuardach Google". www.google.com. Dáta rochtana: 2021-10-23.
  2. Dónall Ó Maolfabhail (2003). "Go leor scannal eile le nochtadh" (ga). Beo!. Dáta rochtana: 2021-10-23.
  3. 3.0 3.1 Breandán Delap (2010). "Seoladh Fhianna Fáil Nua" (ga). Beo!. Dáta rochtana: 2021-10-22.
  4. "Foclóir Gaeilge–Béarla (Ó Dónaill): fáistine" (ga). www.teanglann.ie. Dáta rochtana: 2021-10-22.
  5. OPR (2019). "Na Nithe a Dhéanaimid, lch 9". Dáta rochtana: 2021.