Cumann Idirnáisiúnta na gCoimisinéirí Teanga
Tá sé d’aidhm ag Cumann Idirnáisiúnta na gCoimisinéirí Teanga (IALC) cearta, comhionannas agus éagsúlacht i gcúrsaí teanga a chur chun cinn ar fud an domhain agus tacaíocht a thabhairt do choimisinéirí teanga le hardchaighdeáin phroifisiúnta a bhaint amach. Tionóladh an chéad chomhdháil de Chumann Idirnáisiúnta na gCoimisinéirí Teanga in Barcelona in 2013 agus tá an cumann ag dul ó neart go neart ó shin.
| Sonraí | |
|---|---|
| Cineál | eagraíocht  |
| Réimse oibre | teanga agus beartas teanga |
| Foirm dlí | |
| Dáta a bunaíodh | 2014 |
| Suíomh gréasáin | languagecommissioners.org |
Tionóladh comhdháil na bliana 2024 i gCaerdydd sa Bhreatain Bheag agus ba é “Beatha teanga í a labhairt: úsáid teangacha mionlaigh agus oifigiúla mhéadú” an téama. Ba í Coimisinéir Teanga na Breataine Bige, Efa Gruffudd Jones, a rinne óstáil ar an ócáid, a seoladh i bhfoirgneamh Senedd Cymru (Parlaimint na Breataine Bige). Leagadh an-bhéim ar na caighdeáin teanga, meicníocht dhlíthiúil chun cearta Breatnaise a chinntiú agus a chosaint. Pléadh na bealaí ina gcuireann na caighdeán le húsáid na Breatnaise mar theanga oibre agus rinneadh cur síos ar an tacaíocht a thugann an Lárionaid Náisiúnta d’Fhoghlaim na Breatnaise d’fhostaithe comhlachtaí poiblí.
Labhair Coimisinéir Teanga na hÉireann, Séamas Ó Concheanainn ar na hathruithe reachtaíochta le déanaí a fhágann go dtabharfar feidhm do chaighdeáin teanga in Éirinn amach anseo. Bhí an Dr John Walsh, Clárbhainisteoir Pleanála Corparáidí i láthair thar ceann Fhoras na Gaeilge.