Durrës

Is é Durrës an dara cathair is mó i bPoblacht na hAlbáine, agus is é príomhchathair Chontae Durrës. Tá sé ar cheann de na cathracha is sine san Albáin; tá daoine ina gcónaí ann go leanúnach ar feadh 2500 bliain ar a laghad. Tá an chathair suite ar mhachaire réidh cois Chósta Mhuir Aidriad idir béil na n-aibhneacha Erzen agus Ishëm ag cúinne oirdheisceartach Mhuir Aidriad. Imríonn aeráid shéasúrach na Meánmhara tionchar mór ar aeráid Durrës.

Durrës
Durrësi (sq)
Suíomh
41° 18′ 48″ N, 19° 26′ 45″ E
Stát ceannasach	an Albáin
Contae de chuid na hAlbáine	Contae Durrës
Príomhchathair de	Contae Durrës Ríocht na hAlbáine (1272–1368) Durrës District (en) (–1993)
Daonra
Iomlán	113,249 (2011)
• Dlús	2,445.98 hab./km²
Tíreolaíocht
Achar dromchla	46.3 km²
Airde	0 m
Sonraí stairiúla
Leanann sé/sí	Epidamnos
Eachtra thábhachtach	Léigear Dyrrhachium (1107–1108)
Aitheantóir tuairisciúil
Cód poist	2000
Lonnaithe i gcrios ama	UTC+01:00 UTC+02:00
Glaochód	052
Eile
Suíomh gréasáin	durres.gov.al

Bhunaigh coilínigh Ghréagacha as an gCoraint agus as Coircíora (Corfú sa lá atá inniu ann) an chathair timpeall an 7ú haois RC i gcomhar leis an treibh áitiúil Eilíriach, na Taulantii. Thugtaí Epidamnos nó Dyrrachium ar an gcathair. D'fhás Durrës de réir mar a d'éirigh sé níos tábhachtaí in Impireacht na Róimhe agus ina comharba, an Impireacht Bhiosántach. Thosaigh an Via Egnatia sa chathair agus chuaigh sé soir trasna machairí, ísealchríocha, agus ardchríocha Leithinis na mBalcán go Cathair Chonstaintín.

Sna Meánaoiseanna, bhí na Bulgáraigh, na Veinéisigh, na hOtamánaigh, agus teaghlaigh uaisle de chuid na hAlbáine ag streachaint chun ceannas a fháil ar Durrës. I ndeireadh na dála, fuair na hOtamánaigh an lámh in uachtar, agus rialaigh siad an chathair ar feadh níos mó ná 400 bliain, ó 1501 go dtí 1912. Tar éis Forógra Saoirse na hAlbáine in 1912, ba é Durrës príomhchathair Phrionsacht na hAlbáine ar feadh tamaill ghearr. Ina dhiaidh sin, gabhadh an chathair isteach i Ríocht na hIodáile idir an dá chogadh domhanda, agus bhí sé faoi fhorghabháil na Naitsithe le linn an Dara Cogadh Domhanda. Tháinig borradh faoi dhaonra Durrës agus faoi ghníomhaíocht eacnamaíoch sa chathair faoin rialtas cumannach san Albáin idir 1946 agus 1991.