Glafkos Clerides
Uachtarán ar an gCipir idir 1993 agus 2003 ab ea Glafkos Clerides (Gréigis: Γλαύκος Ιωάννου Κληρίδης; 24 Aibreán 1919 – 15 Samhain 2013).
.jpg)
Saol
cuir in eagarRugadh Glafkos Clerides in Nicosia. Bhí Clerides in Aerfhórsa Ríoga na Breataine le linn an Dara Cogadh Domhanda. Chaith sé na blianta 1942 go 1945 mar phríosúnach cogaidh sa Ghearmáin.[1]
Tar éis dó staidéar a dhéanamh ar an dlí i gColáiste an Rí, Londain, glaodh air mar abhcóide de chuid Ósta Gray sa bhliain 1948.
Ar ais sa Chipir, bhíodh chun tosaigh mar abhcóide cosanta i gcásanna in éadan bhall de chuid EOKA, eagraíocht treallchogaíochta Ghréagaigh na Cipire (a raibh Clerides féin ina bhall di). Mar sin chas sé ar a sheanchara Rauf Denktaş, a bhí ina cheannaire ar an TRNC ar feadh blianta fada ina dhiaidh sin.[1]
Bhain an Chipir a neamhspleáchas amach sa bhliain 1960 agus bhí páirt thábhachtach ag Clerides sna himeachtaí ag an am; chuir sé bunreacht na tíre i dtoll a chéile,.
Ina dhiaidh sin, rinneadh Uachtarán Theach na nIonadaithe de (1960-1976). Bhí sé ina Uachtarán gníomhach ar an bPoblacht ar feadh tamaill sa bhliain 1974, sular tháinig an tArdeaspag Makarios i réim an athuair. An t-am ar fad a bhí sé ina Uachtarán ar Theach na nIonadaithe, bhí ról ríthábhachtach ag Clerides i mbun idirbheartaíochta le pobal Turcach na Cipire agus leis na Briotanaigh.[1]
I gcaitheamh an dá théarma a chaith sé mar Uachtarán na Poblachta, rinneadh an bhunobair le haghaidh aontachas na Cipire leis an Aontas Eorpach. Mar sin féin, chaill sé toghchán na huachtaránachta sa bhliain 2003, go pointe áirithe toisc gur thacaigh sé leis an bPlean Annan le haghaidh na Cipire, ar diúltaíodh dó sa bhliain 2004 ag na toghthóirí sa chuid de Phoblacht na Cipire nach raibh faoi smacht na Tuirce.[1]
Féach freisin
cuir in eagarTagairtí
cuir in eagar- ↑ 1.0 1.1 1.2 1.3 Scoil Dlí, COBÁC. "Glafkos Clerides". Dáta rochtana: 2021.