Helmut Kohl

Bhí an Dr. Helmut Josef Michael Kohl ina Sheansailéir ar an nGearmáin ó 1982 go dtí 1998. I ndiaidh an bháis, dúirt Jean-Claude Juncker an méid seo: “Ní hé amháin gur cheann urra aontacht na Gearmáine a bhí in Helmut Kohl. Rinne sé a chion – cion níos mó ná a rinne daoine eile – chun stair na hEorpa agus geografaíocht na hEorpa a thabhairt chun réitigh le chéile".

Helmut Kohl
6ú Seansailéar na Géarmáine
In oifig 1 D.Fómhair 1982 – 27 D.Fómhair 1998
Réamhtheachtaí:	Helmut Schmidt
Comharba:	Gerhard Schröder
Dáta breithe	3 Aibreán 1930
Áit bhreithe	Ludwigshafen, An Ghearmáin
Dáta báis	16 Meitheamh 2017 (87 bliana d'aois)
	Oggersheim, an Ghearmáin
Páirtí	CDU
Síniú

Luathsaol

Rugadh Kohl i Ludwigshafen na Gearmáine ar an 3 Aibreán 1930 agus shíothlaigh sé ar 16 Meitheamh 2017 in Oggersheim, sa Ghearmáin.

1967

Bhí Kohl páirteach sa Dara Cogadh Domhanda agus é fós ina dhéagóir.

Chuaigh Kohl le polaitíocht go luath ina shaol, agus bhí ina bhall den Pháirtí Críostaí Daonlathach ó 1947. Ghnóthaigh sé céim dochtúra sa stair.

Tar éis tamall a chaitheamh i bpolaitíocht stáit, toghadh é chuig an Pharlaimint Fheidearálach. Bhí sé ina cheannaire ar an bhfreasúra ó 1973 ar aghaidh.

Seansailéir

1975

Tar éis vóta mímhuiníne sa Seansailéir Helmut Schmidt rinneadh Seansailéir de Kohl. Cé go raibh na meáin chumarsáide ag magadh faoi agus go raibh freasúra láidir ina choinne, bhí tréimhse cumhachta níos faide ag Kohl mar Sheansailéir ná mar a bhí ag duine ar bith sa Ghearmáin ó aimsir Otto von Bismarck. D'fhan sé i gcumhacht go dtí gur bhuaigh an Páirtí Daonlathach Sóisialta toghchán na bliana 1998.

Cuimhneofar ar Helmut Kohl mar gheall ar athaontú na Gearmáine a tharla le linn a thréimhse in oifig, nuair a theip ar an gCumannachas in oirthear na hEorpa.

2010

1995

Bhí scannal mór airgeadais ann áfach tar éis dó éirí as oifig, rud a fhágann smál ar a cháil mar pholaiteoir.