John Coffey (iománaí)
Iománaí Éireannach ab ea John Coffey (14 Eanáir 1918 – 11 Lúnasa 2019). D'imir sé naoi séasúr le foireann sinsear Thiobraid Árann ó 1940 go 1948.[1][2] Ba é an ceathrú duine a bhuaigh bonn Uile-Éireann san iomáint a raibh an céad slánaithe aige.[3][4]
| Beathaisnéis | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
| Breith | 14 Eanáir 1918 An Bóthar Leathan, Éire  | |||||||||||||||||||
| Bás | 12 Lúnasa 2019 101 bliana d'aois | |||||||||||||||||||
| Gníomhaíocht | ||||||||||||||||||||
| Gairm | teicneoir | |||||||||||||||||||
| Spórt | iomáint | |||||||||||||||||||
| ||||||||||||||||||||
| ||||||||||||||||||||
| Ghlac sé/sí páirt i | ||||||||||||||||||||
| 2 Meán Fómhair 1945 | 1945 All-Ireland Senior Hurling Championship Final (en)  |
|||||||||||||||||||
Roghnaíodh Coffey mar bhall d'fhoireann mionúr Thiobraid Árann nuair a bhí sé sé bliana déag d’aois. D'imir sé trí shéasúr craobhchomórtais leis an bhfoireann mionúr, agus bhuaigh sé bonn Uile-Éireann leo ina chéad bhliain, in 1934. Ina dhiaidh sin, d'imir sé le foireann sóisear an chontae idir 1936 agus 1940. Ba sa bhliain 1940 a d'imir sé a chéad chluiche leis an bhfoireann sinsear, agus ó 1940 go 1948 roghnaíodh i bhfoireann na sinsear é go rialta. Bhuaigh sé bonn ór i gCraobhchomórtas na hÉireann sa bhliain 1945, agus Craobh na Mumhan sa bhliain chéanna. D'éirigh Coffey as an iomáint idirchontae tar éis chraobhchomórtas na hÉireann in 1948.
Chaith sé seal gairid i gcúltaca Óglaigh na hÉireann ar oileán Dhairbhre agus é ag cosaint na línte teileagraif le linn an Dara Cogadh Domhanda, línte a cheangail Éire le Meiriceá ag an am. Chuaigh sé féin agus a bhean chéile, Kitty, ar imirce go Toronto Cheanada ó 1955-1960, áit ar saolaíodh triúr clainne dóibh. Is i mBaile Átha Cliath a chuireadar fúthu agus iad ag filleadh ar Éirinn, agus is ansin a d'fhanadar agus a thógadar a seisear clainne. D'oibrigh sé mar theicneoir línte fóin agus teileagraif don tréimhse seo.
Fuair sé bás mí Lúnasa 2019 agus aois 101 aige.[5]
Gradaim
cuir in eagar- Craobh Sinsear na hÉireann (1): 1945
- Craobh Sinsear na Mumhan (1): 1945
- Craobh Mionúr na hÉireann (1): 1934
- Craobh Mionúr na Mumhan (1): 1934
Tagairtí
cuir in eagar- ↑ “Mick Murphy honoured as Billy Quinn passes away”. Tipperary Star (23 January 2016). Dáta rochtana: 26 January 2016.
- ↑ O'Sullivan (21 July 2017). “Meet John Coffey: Hurling's oldest living All-Ireland medal holder”. Irish Examiner. Dáta rochtana: 21 July 2017.
- ↑ “John Coffey - Oldest Living All Ireland Winner turns 100” (14 February 2018).
- ↑ “Meet John Coffey: Hurling's oldest living All-Ireland medal holder”. www.irishexaminer.com (21 July 2017).
- ↑ “Passing of Tipperary hurling legend John Coffey (aged 102) - the oldest All-Ireland medal winner”. Tipperary Live (12 August 2019). Dáta rochtana: 13 August 2019.