John Evans (gobharnóir)
Ba pholaiteoir Meiriceánach, dochtúir, bunaitheoir roinnt ospidéal agus cumann míochaine, tionscnóir an iarnróid, agus gobharnóir Chríoch Colorado (Béarla:Territory of Colorado) é John Evans (1814-1897). Tá clú air freisin mar dhuine de bhunaitheoirí Ollscoil Northwestern agus Ollscoil Denver. Tá aithne air freisin le blianta beaga anuas, as a bheith, in éineacht le John Chivington, ar dhuine de na hailtirí ar cheann de na gníomhartha cinedhíothaithe is measa a rinneadh i gcoinne Meiriceánaigh Dhúchasacha, sé sin sléacht Sand Creek .
  | |
| Beathaisnéis | |
|---|---|
| Breith | 9 Márta 1814 Waynesville, Ohio |
| Bás | 2 Iúil 1897 83 bliana d'aois Denver, Colorado |
| Áit adhlactha | Riverside Cemetery (en)  |
| Gobharnóir Chríoch Colorado: | |
| 26 Márta 1862 – 17 Deireadh Fómhair 1865 ← William Gilpin – Alexander Cummings → | |
| Gníomhaíocht | |
| Gairm | dochtúir leighis, polaiteoir |
| Fostóir | Ollscoil Northwestern |
| Ball de pháirtí polaitíochta | Páirtí Poblachtach |
| Teangacha | Béarla |
| Teaghlach | |
| Páiste | Anne Evans |
Síniú  | |
 | |
Beathaisnéis cuir in eagar
Rugadh Evans i Waynesville, Ohio, sa bhliain 1814. Thosaigh sé ag staidéir an leighis i Philadelphia agus chríochnaigh sé sin in Ollscoil Cincinnati (Ohio) sa bhliain 1838. Bhog sé go hAttica, Indiana, áit ar oibrigh sé mar dhochtúir agus chuidigh sé le hOspidéal Stáit Indiana a bhunú, ar ceapadh é ina chéad cheannfort air.
Phós sé sa bhliain 1838 ach bhí sé ina bhaintreach fir dhá bhliain déag ina dhiaidh sin, agus phós sé arís in 1853. Bhog sé go Chicago, áit ar bhunaigh sé Ospidéal Lakeside agus Cumann Leighis Illinois.
Thuill a shaibhreas go leor cumhachta polaitiúla dó. Bhunaigh sé Páirtí Poblachtach Illinois agus tháinig sé chun bheith ina chara pearsanta le Abraham Lincoln. Dhíol sé beagnach a chuid sealúchais go léir i Chicago d’fhonn turas a dhéanamh go Sasana.
Cheap Uachtarán na Stát Aontaithe Abraham Lincoln Evans mar ghobharnóir ar Chríoch Colorado i 1862. Bhunaigh Evans agus a chara, an tUrramach John Chivington, an chéad ollscoil ar an gcríoch, Cliarscoil Colorado, a d’éireodh ina dhiaidh sin mar Ollscoil Denver. Sa bhliain 1864 cheap Evans an tUrramach Chivington mar choirneal sna Colorado Volunteers, a threoraigh trúpaí 800 marcach in ionsaí ar ghrúpa de Siánaigh Meiriceánach Dúchasach agus Arapachach. Bhí a fhios ag Chivington go raibh na dúchasaigh, faoi stiúir Tetera Negra, neamharmtha agus go raibh cainteanna síochána á lorg acu. Bhail siad leo ag campáil i Sand Creek.. [1]
Tagairtí cuir in eagar
- ↑ Sitio Histórico Nacional de la Masacre de Sand Creek, [https://www.cipdh.gob.ar/memorias-situadas/lugar-de-memoria/sitio-historico-nacional-de-la-masacre-de-sand-creek/[}}[nasc briste go buan]