Marina Ní Dhubháin
Is drámadóir agus gníomhaí ealaíona í Marina Ní Dhubháin ó Chorca Dhuibhne i gContae Chiarraí. Le blianta beaga anuas tá sí ag feidhmiú mar chomhordaitheoir agus mar thaighdeoir ealaíona ar thogra ‘Cumas Ceantar Uíbh Ráthaigh’ — clár forbartha de chuid na Comhairle Ealaíon. Mar léachtóir agus taighdeoir i réimse taighde sna healaíona agus san amharclannaíocht fheidhmeach le hOllscoil na Gaillimhe, d’fhorbair sí saineolas ar na modhanna ealaíona a threisíonn forbairt pobail. Ina cleachtas mar dhéantúsóir amharclainne agus mar chomhairleoir scripte, oibríonn sí idir na hearnálacha gairmiúla agus pobail. Is ball í de Gharraí an Ghiorria, comhchoiteann a dhéanann forbairt ar ghréasáin uasoiliúna do dhrámadóirí na Gaeilge chomh maith le hiniúchadh a dhéanamh ar mhúnlaí nua oibre san amharclann. Tá céim mháistreachta aici sa Scríbhneoireacht Chruthaitheach agus gradam PhD san Amharclannaíocht Fheidhmeach le hOllscoil na Gaillimhe.
| Beathaisnéis | |
|---|---|
| Breith | Daingean Uí Chúis  |
| Céim acadúil | céim dochtúireachta |
| Gníomhaíocht | |
| Gairm | drámadóir, taighdeoir, aisteoir |
| Fostóir | Ollscoil na Gaillimhe |
| Teangacha | An Ghaeilge |
 
| |
