Ospidéal Ollscoile Naomh Uinseann

Ospidéal oiliúna é Ospidéal Ollscoile Naomh Uinseann nó níos minice Ospidéal Naomh Uinseann (úsáidtear Ospidéal Ollscoile Uinsinn chomh maith) (Béarla: St. Vincents University Hospital nó SVUH) atá lonnaithe ag Páirc na Leamhán, ó dheas ó chathair Bhaile Átha Cliath, Éire.

WD Bosca Sonraí Foirgneamh Ospidéal Ollscoile Naomh Uinseann
Sonraí
Cineál	Ospidéal
Foirgníocht	1834
Suíomh geografach
Limistéar riaracháin	Baile Átha Cliath, Éire
53° 19′ N, 6° 13′ O
Gníomhaíocht
Comhcheangal	An Coláiste Ollscoile, Baile Átha Cliath
Suíomh gréasáin oifigiúil	stvincents.ie

Tá an t-ospidéal lonnaithe ag crosaire Bhóthar Mhuirfean, trasna ó Ionad Siopadóireachta Mhuirfean agus ar láimh Cumann Gailf Pháirc na Leamhán. Tá sé nasctha le Coláiste na hOllscoile, Baile Átha Cliath atá suite beagán uaidh.

Stair

Faiche Stiabhna fadó

Bunaíodh sean-Ospidéal Naomh Uinseann ar Fhaiche Stiabhna ar an 23 Eanáir 1834 ag Mother Mary Aikenhead, an bhean a bhunaigh Siúracha na Carthanachta, ord rialta de chuid na gCaitliceach.

Bhí cead ag cách cúram a fháil san ospidéal, agus ba chuma cén creideamh lenar bhain siad.

Bhog an t-ospidéal chuig an suíomh reatha i bPáirc na Leamhán sa bhliain 1970.

Ath-ainmníodh an t-ospidéal sa bhliain 1999 faoin ainm Ospidéal Ollscoile Naomh Uinseann le léiriú go raibh an t-ospidéal mar phríomhospidéal oiliúna ag Coláiste na hOllscoile, Baile Átha Cliath.