Raymond Chandler

Scríbhneoir scéalta bleachtaireachta agus scriptscríbhneoir scannán a bhí i Raymond Thornton Chandler, a rugadh i Chicago ar an 23 Iúil 1888 agus a fuair bás i San Diego ar an 26 Márta 1959. Bhí an-tionchar ag a stíl "chruabhruite", mar a deirtear, ar na scéalta bleachtaireachta, ar an gcineál daoine a bhíonn le feiceáil iontu agus ar an gcineál stíle a chleachtar iontu inniu. Is é príomhlaoch a chuid scéalta, Philip Marlowe, ionchollú an "bhleachtaire phríobháidigh" mar a shamhlaítear dúinn inniu é.

Raymond Chandler

Beathaisnéis
Breith	(en) Raymond Thornton Chandler 23 Iúil 1888 Chicago, Illinois
Bás	26 Márta 1959 70 bliana d'aois La Jolla, California
Siocair bháis	Bás nádúrtha (Niúmóine)
Áit adhlactha	Mount Hope Cemetery (en)
Faisnéis phearsanta
Scoil a d'fhreastail sé/sí	Coláiste Dulwich
Teanga dhúchais	Béarla
Gníomhaíocht
Réimse oibre	Coirscéal
Gairm	scríbhneoir scripte, scríbhneoir, úrscéalaí, file
Tréimhse oibre	1933 –
Seánra	Ficsean bleachtaireachta
Faoi thionchar	Dashiell Hammett
Teangacha	Béarla
Gairm mhíleata
Brainse míleata	Arm na Breataine agus an tAerfhórsa Ríoga
Coinbhleacht	An Chéad Chogadh Domhanda
Saothar
Saothar suntasach (1939) The Big Sleep (en) (1940) Farewell, My Lovely (1942) The High Window (en) (1943) The Lady in the Lake (en) (1949) The Little Sister (en) (1953) The Long Goodbye (1958) Playback (en) (1989) Poodle Springs (en)
Suíomh a chartlainne	UCLA Library Special Collections (en) https://digital.library.ucla.edu/catalog/ark:/21198/zz0008c4f7 638
Teaghlach
Céile	Cissy Pascal
Gradam a fuarthas (1955)  Edgar Allan Poe Award for Best Novel (en) , as a saothar The Long Goodbye
Ainmnithe do (9 Feabhra 1947) Academy Award for Best Writing, Original Screenplay (en) , as a saothar The Blue Dahlia (en) (3 Feabhra 1945) Academy Award for Best Writing, Adapted Screenplay (en) , as a saothar Double Indemnity (en)

A Shaol

Cé gur sna Stáit Aontaithe a rugadh é, chaith sé blianta a óige i Sasana. Thréig a athair - innealtóir a bhí ina alcólach - a theaghlach, agus chuaigh máthair Raymond, bean Éireannach, ar ais go dtí an Ríocht Aontaithe in éineacht lena mac. Ba é deartháir na máthar a choinnigh bia agus beatha leo. Ina fhear óg dó d'fhill Raymond go Meiriceá ag iarraidh a áit féin a aimsiú sa saol. Liostáil sé sna saighdiúirí sa Chéad Chogadh Domhanda, agus chaith sé seal ag troid. I ndiaidh an chogaidh, d'fhill sé go Los Angeles, agus rinne sé staidéar ar chuntasóireacht le jab seasta a fháil. Phós sé bean a bhí ocht mbliana déag ní ba sine ná é. Sna 1930idí, nuair a chaill sé a jab de dheasca na ndeacrachtaí a bhí aige leis an mbiotáille, thosaigh sé ag scríobh scéalta garrfhicsin lena chuid a shaothrú. D'éirigh leis an scríbhneoireacht, agus sna 1940idí, fostaíodh ina scriptscríbhneoir i Hollywood é. Fuair a bhean chéile bás sa bhliain 1954, agus í tinn ar feadh i bhfad roimhe sin.

Ní raibh sé ina dhuine shona riamh. Bhí sé ina dhruncaire, cosúil lena athair roimhe, agus dúlagar intinne ag goilleadh air. Chuaigh na deacrachtaí seo chun olcais i ndiaidh bhás a mhná céile. Bhí sé mór le cúpla bean ina dhiaidh sin, ach ní raibh mórán maithe sna cumainn seo, agus bhí níos mó ná bean amháin ag déanamh gur homaighnéasach a bhí ann agus é á shéanadh féin.

A Shaothar

Scríobh sé cuid mhór scéalta, ach is iad na húrscéalta The Big Sleep agus The Long Goodbye na cinn ba mhó a thuill clú dó.Is é an locht is mó a fhaightear ar a chuid scéalta nach raibh bua na plotála aige - rinne sé praiseach den phlota go minic - agus ní thaitníonn an stiúir mhadrúil a bhíonn faoi le cách ach an oiread, go háirithe an dóigh a mbíonn sé ag trácht ar mhná agus ar homaighnéasaigh. Ón taobh eile de, tá féith liriciúil ann a chuireann ar a chumas áiteanna agus timpeallacht na n-imeachtaí a chur os comhair an léitheora ar dhóigh bheo bhíogúil.