Sá Turku 2017

Is éard a bhí i gceist le sá Turku ná spraoimharú nó iarracht spraoimharaithe a rinneadh timpeall ar a ceithre a chlog ar an ochtú lá déag de Mhí Lúnasa 2017 i bpanc an aonaigh i lár chathair Turku in Iardheisceart na Fionlainne.

Sá Turku 2017

60° 27′ 07″ N, 22° 15′ 59″ E
Cineál	ionsaí sáite ionsaí sceimhlitheoireachta
Dáta na bliana	18 Lúnasa 2017
Fad ama	3 min
Suíomh	VI District, An Fhionlainn (en) Turku Market Square, An Fhionlainn (en) Puutori, An Fhionlainn (en) Túrcú, An Fhionlainn
Tír	an Fhionlainn
Baint le limistéar údaráis	an Fhionlainn
Rannpháirtí	an Stát Ioslámach
Sprioc	coisí agus sibhialtach
Líon básanna	2
Líon gortaithe	8
Arm	2 scian
Cúiseamh	sceimhlitheoireacht, dúnmharú agus iarracht ar dhúnmharú
Cúirt	District Court of Southwest Finland (en)
Pionós	príosúnacht saoil ((15 Meitheamh 2018), District Court of Southwest Finland (en) )

Sháigh an marfóir deichniúr agus fuair beirt acu bás. Mná ab ea iad siúd a fuair bás. Bhíothas an-luath ag cur na n-imeachtaí in iúl do na póilíní agus níor thóg sé ach cúig nóiméad orthu an t-amhrastach a sháinniú is a ghabháil.

Tháinig chun solais gur fear ó Mharacó darbh ainm Abdurrahman Bouanane, agus é ar lorg tearmainn san Fhionlainn. Fuair sé diúltú dá iarratas tearmainn agus chuaigh sé le radacachas ina dhiaidh sin, agus é ag priontáil amach forógraí bolscaireachta de chuid an ISIS ón Idirlíon. Mionchoirpeach a bhí ann a chaith seal sa Ghearmáin roimhe sin agus é ag déanamh coireanna.

Ghlac na húdaráis leis gurbh é seo an chéad ghníomh sceimhlitheoireachta den chineál a rinneadh san Fhionlainn riamh agus an chéad ghníomh sceimhlitheoireachta d'aon chineál a rinneadh sa tír sna blianta i ndiaidh an Dara Cogadh Domhanda.