Sœur Emmanuelle
Bean rialta Fhrancach ba ea Sœur nó Siúr Emmanuelle, N.D.S. (née Madeleine Cinquin 16 Samhain 1908 – 20 Deireadh Fómhair 2008).
  | |
| Beathaisnéis | |
|---|---|
| Breith | (fr) Madeleine Cinquin 16 Samhain 1908 an Bhruiséil, An Bheilg |
| Bás | 20 Deireadh Fómhair 2008 99 bliana d'aois Callian, An Fhrainc |
| Áit adhlactha | Callian |
| Faisnéis phearsanta | |
| Reiligiún | Caitliceach |
| Scoil a d'fhreastail sé/sí | Dámh na nEalaíon Pháras |
| Teanga dhúchais | an Fhraincis |
| Gníomhaíocht | |
| Suíomh oibre | Fréjus (1990–) Caireo (1971–1990) |
| Gairm | bean rialta |
| Teangacha | An Fhraincis |
| Teaghlach | |
| Duine muinteartha | Sofia Stril-Rever (neacht) |
Gradam a fuarthas
| |
 | |
Saol
cuir in eagarChaith Siúr Emmanuelle an chuid is mó dá saol ag maireachtáil leis na daoine ba bhoichte, go háirithe i gCaireo, lucht na ngiobal nó iad siúd a mhaireann ar pé rud a fhaigheann siad ar na sráideanna.[2] ‘Mo mhuintir féin,’ a thugadh sí orthu. Ba mhór an meas a bhí ag muintir na Fraince ar a cuid oibre agus ar an mbealach in ar éirigh léi idir pholaiteoirí agus lucht na meán cumarsáide a spreagadh chun cabhrú léi. Tá bonneagar fágtha ina diaidh aici a chinntíonn go leanfar leis an obair ar chuir sí tús léi.[2]
D’insíodh sí go minic an scéal gur shocraigh sí lá gur cheart di a chur in iúl don phápa, Eoin Pól II a bhí ann, go raibh sí ag cur frithghinniúint ar fáil do na mná a bhí faoina cúram.[2] Scríobh sí chuige agus thug sí an litir do chara dílis léi ag rá, ‘Déan cinnte go dtugann tú féin an litir seo dó.’ Nuair nár tháinig aon scéal ar ais ón phápa ag cur dogma na heaglaise i gcuimhne di, dúirt sí gur ghlac sí leis go raibh an pápa ar aon intinn léi maidir lena raibh ar siúl aici.
Fuair an tSiúr Emmanuelle bás sa bhliain 2008 agus í beagnach céad bliain d’aois.
Tagairtí
cuir in eagar- ↑ "Alain Girelli" (as fr) (2021-03-08). Wikipédia.
- ↑ 2.0 2.1 2.2 P.J. Mac Gabhann (2009). "Mná na Fraince" (ga). Beo!. Dáta rochtana: 2021-06-30.