Scannal caimiléireachta i bParlaimint na hEorpa, 2022

Scannal caimiléireachta i bParlaimint na hEorpa, 2022
Cineál	scannal polaitiúil ; corruption scandal (en)
Ainmnithe in ómós	Catar
Dáta na bliana	9 Nollaig 2022
Tír	an tAontas Eorpach, an Iodáil agus an Bheilg
Rannpháirtí	Catar ; Eva Kaili ; Antonio Panzeri ; Federal Police of Belgium (en) ; Luca Visentini ; Polizia di Stato (en) ; Marc Tarabella ; Henrik Hololei ; Maracó ; an Sahára Thiar
Líon na ngabhálacha	6

Ar 9 Nollaig 2022, tháinig scannal caimiléireachta agus éilliú polaitiúil i bParlaimint na hEorpa chun solais; ghabh na póilíní sa Bheilg agus san Iodáil roinnt daoine, ina measc an feisire Gréagach Eva Kaili^[1]^[2] agus a buachaill (Francesco Giorgi), agus an iar-fheisire Iodálach, Antonio Panzeri, agus líomhaintí faoi éillitheacht i bParlaimint na hEorpa á bhfiosrú acu.

Tugadh 'Qatargate' ar an scannal ar dtús. Ach rinne tíortha eile, is cosúil, iarrachtaí ar fheisirí a éilliú, seachas an Chatar. Bhain an scéal ar dtús le tuairiscí gur thug Stát Chatar breabanna do dhaoine áirithe - idir airgead agus bhronntanais - le súil go ndéanfadh na daoine sin stocaireacht ar son Chatar i bhforais an Aontais Eorpaigh.

Cás Kaili

Thug Eva Kaili cuairt ar Chatar go gairid sular cuireadh tús le Corn Sacair an Domhain sa tír sin i mí na Samhna 2022. Fad is a bhí sí ann, mhol sí údaráis na tíre faoina raibh déanta acu ar son cearta oibrithe. Tháinig an moladh céanna uaithi go minic agus í ag labhairt i bParlaimint na hEorpa.

D'admhaigh buachaill Kaili, Francesco Giorgi. go bhfuair sé slám mór airgid ó Panzeri ^[3] Agus bhí lear mór airgid ag athair Kaili san ostán Sofitel sa Bhruiséil nuair a gabhadh é, rud a tharraing amhras air. Ach bhí sé ráite ag dlíodóir Eva Kaili nach bhfuil agus nach raibh aon bhaint ag a chliant le caimiléireacht.

Freagairt

Mhéadaigh ar an imní go raibh an t-éilliú i réim fud fad an chórais.

Vótáil formhór mór na bhfeisirí i bParlaimint na hEorpa ar son rúin an feisire Kaili a chur as a post mar leasuachtarán na parlaiminte i bhfianaise líomhaintí faoi chaimiléireacht a bheith curtha ina leith.^[4] (625 feisire a vótáil ar son an rúin, vótáil duine ina aghaidh agus staon beirt eile).

Gheall uachtarán Pharlaimint na hEorpa Roberta Metsola fiosrúchán inmheánach ina thaobh a bhunú. Mhaígh sí gur chreid sí go raibh uisce faoi thalamh á dhéanamh agus go rabhthas ag iarraidh an bonn a bhaint den Aontas Eorpach.

Tá sé tugtha le fios ag bean an phobail (Ombudsman) an Aontais Eorpaigh Emily O'Reilly go léiríonn na líomhaintí faoi éillitheacht gur mithid córas eitice an Aontais a leasú ó bhonn.

Cúlra

Rinne uachtarán an Choimisiúin Eorpaigh, Ursula Von der Leyen, moladh in 2019 eagraíocht neamhspleách eitice a bhunú san Aontas Eorpach. Ach bhí fíorbheagán déanta ina thaobh ó shin.

Féach freisin

Eva Kaili

Tagairtí

↑ Chris Pleasance (2022-12-13). "Who is Eva Kaili? EU vice president caught in Qatar corruption sting". Mail Online. Dáta rochtana: 2022-12-16.
↑ "The long rise and abrupt fall of Greek MEP Eva Kaili" (en-US). POLITICO (2022-12-13). Dáta rochtana: 2022-12-16.
↑ Eleanor Dye (2022-12-15). "Boyfriend of MEP Eva Kaili 'admits part in Qatar bribery scandal'". Mail Online. Dáta rochtana: 2022-12-16.
↑ Nuacht RTÉ (2022-12-13). "Uisce faoi thalamh: "thar am córas eitice an AE a leasú"" (as ga-IE).

[1] Chris Pleasance (2022-12-13). "Who is Eva Kaili? EU vice president caught in Qatar corruption sting". Mail Online. Dáta rochtana: 2022-12-16.

[2] "The long rise and abrupt fall of Greek MEP Eva Kaili" (en-US). POLITICO (2022-12-13). Dáta rochtana: 2022-12-16.

[3] Eleanor Dye (2022-12-15). "Boyfriend of MEP Eva Kaili 'admits part in Qatar bribery scandal'". Mail Online. Dáta rochtana: 2022-12-16.

[4] Nuacht RTÉ (2022-12-13). "Uisce faoi thalamh: "thar am córas eitice an AE a leasú"" (as ga-IE).

[1]

[2]

[3]

[4]