Teaneck, New Jersey
Baile atá suite i gContae Bergen, i dtuaisceart New Jersey, is ea Teaneck. Is é an dara baile is mó i gContae Bergen, i ndiaidh Hackensack. Fuarthas 39,776 duine ina gcónaí le linn dhaonáireamh na bliana 2010 agus sa bhliain 2014, measadh 40,587 duine ina gcónaí ann.
 Teaneck, New Jersey | |||||
|---|---|---|---|---|---|
Teaneck (en)  | |||||
 | |||||
| Suíomh | |||||
| |||||
| Stát ceannasach | Stáit Aontaithe Mheiriceá | ||||
| Stát sna Stáit Aontaithe | Nua-Gheirsí | ||||
| Contae de chuid Nua-Gheirsí | Contae Bergen | ||||
| Daonra | |||||
| Iomlán | 41,246 (2020) | ||||
| • Dlús | 2,577.88 hab./km² | ||||
| Líon na dteaghlach | 13,164 (2020) | ||||
| Tíreolaíocht | |||||
| Achar dromchla | 16 km² | ||||
| Airde | 39 m | ||||
| Ar theorainn le | New Milford (en)  Ridgefield Park (en) Leonia (en) Englewood Bogota (en) River Edge (en) Hackensack Bergenfield | ||||
| Sonraí stairiúla | |||||
| Cruthú | 19 Feabhra 1895 | ||||
| Aitheantóir tuairisciúil | |||||
| Cód poist | 07666 | ||||
| Lonnaithe i gcrios ama | |||||
| Glaochód | 201 | ||||
| Eile | |||||
| Suíomh gréasáin | teanecknj.gov | ||||
Bhí na Lenape ina gcónaí ann leis na mílte bliana, agus thosaigh na hEorpaigh ag cur fúthu ar an laghad chomh fada siar leis an mbliain 1704. Cuireadh Teaneck ar bun é mar bhaile faoi leith sa bhliain 1895. D'fhás an baile go mór i ndiaidh an Dara Cogadh Domhanda agus, sa bhliain 1949, roghnaíodh é mar bhaile samplach na Stát Aontaithe. Fobhaile meánaicmeach de chuid Chathair Nua-Eabhrac atá ann.
Tá Teaneck suite ag gabhal na mórbhealach I-95 agus I-80. Is é Teaneck críoch thoir I-80, mórbhealach tras-ilchríche. Téann Mórbhealach 4 tríd ar a bhealach i dtreo Droichead Washington agus Cathair Nua-Eabhrac.
Le fada tá pobal mór Afrai-Mheiriceánach in Teaneck, go mór mhór in oirthuaisceart an bhaile. Tá iarracht leanúnach déanta ag na pobail gheala agus ghorma an baile ar fad a bheith oscailte do chách. Tá pobal Giúdach ceartchreidmheach ann freisin. Tá 14 sionagóg agus 4 yeshivas ar an mbaile. Le blianta beaga anuas tá líon na nÁiseach agus na gcainteoirí Spáinnise ag dul i méid.