The Stone Roses

Is grúpa rac-cheoil mór le rá as Manchain, Sasana é The Stone Roses, a bhain cáil idirnáisiúnta amach sa bhliain 1989.

The Stone Roses

Sonraí
Cineál	racbhanna
Stair
Dáta a bunaíodh	1983, Manchain
Gníomhaíocht
Tréimhse oibre	1983 –  1996
Lipéad ceoil	Silvertone Records
Seánra	Rac malartach agus rac indie
Codanna	Ian Brown
Eile
Gradam a fuarthas  Duaiseanna MOJO

Luaitear an t-albam "The Stone Roses" go minic nuair a phléitear na ceirníní is fearr riamh. Feictear orthu inniu mar cheannródaithe, os rud é go raibh siad ar cheann de na racghrúpaí neamhspleácha (nó "indie", mar a tugtar air as Béarla) ba mhó a tháinig as an gcathair siúd ag deireadh na hochtóidí agus tús na nóchaidí.

Cé go raibh meas mór tuillte acu leis an céad albam, bhí fadhbanna acu le conarthaí ceoil ina dhiaidh sin agus chuir siad cúig bliana amú sular scaoil siad an dara cheann. Cuireadh deireadh leo go hoifigiúil tar éis seó lag míchlúiteach ag an bhFéile Reading sa bhliain 1996.

Tháinig bunbhaill an ghrúpa le chéile in athuair sa bhliain 2011 agus d'imigh siad amach ar chamchuairt sa bhliain 2012.

Dioscliosta

Albaim sa stiúideo

• 1989 - The Stone Roses
• 1994 - Second Coming

Díolamaí

• 1992 - Turns into Stone
• 1995 - The Complete Stone Roses
• 1996 - Garage Flower
• 2000 - The Remixes
• 2004 - The Very Best of The Stone Roses

Naisc sheachtracha

• Suíomh déanta ag leantóirí Curtha i gcartlann 2008-04-23 ar an Wayback Machine
• Ceol, nuacht agus eolas ar nme.com