Tommy Makem
Ceoltóir, amhránaí agus scéalaí Éireannach ab ea Thomas Patrick 'Tommy' Makem (4 Samhain, 1932 – 1 Lúnasa, 2007). Thuill sé aitheantas ar dtús mar bhall den ghrúpa The Clancy Brothers and Tommy Makem.[1]
| Tommy Makem | |
|---|---|
 | |
| Saol | |
| Eolas breithe | An Céide, 4 Samhain 1932 |
| Náisiúntacht | Stáit Aontaithe Mheiriceá |
| Bás | Dover, New Hampshire, 1ú Lúnasa 2007 |
| Cúis bháis | bás nádúrtha (ailse scamhóg) |
| Oideachas | |
| Teangacha | an Béarla |
| Gairm | |
| Gairm | amhránaí, bainseóí agus file |
| Gluaiseacht ealaíne | ceol traidisiúnta |
| Uirlis cheoil | bainseó ceol gutha |
| Lipéad ceoil | Columbia |
| IMDb | nm0538481 |
| makem.com | |
| Discogs ID | 476062 |
GairmCuir in Eagar
Chuaigh Makem ar imirce chuig na Stáit Aontaithe sa bhliain 1955.
Thosaigh na deartháireacha Clancy (Tom, Paddy agus Liam) agus Tommy Makem ag seinm amhráin tíre na hÉireann le chéile sna i lár na 1950idí. Tháinig an chéad albam, ' The Rising of the Moon' amach sa bhliain 1956. Ar dtús, bhíodh an ceathrar acu ag canadh le chéile, go hiondúil in armóin /i gcomhcheol, le giotár agus faoi dheireadh le tionlacan bainseó Tommy Makem.[2]
Bhí an cóiriú agus an canadh níos cosúla le grúpaí Meiriceánacha ná le grúpaí traidisiúnta in Éirinn. Ach bhí tionchar nach beag acu ar na h-amhránaithe tíre timpeall an ama seo.
Níor aontaigh go leor ceoltóirí traidisiúnta in Éirinn leis an gceol a bhí ar siúl ag na muintir Clancy agus Tommy Makem. Ach sna Stáit Aontaithe, bhí Bob Dylan agus amhránaithe tíre eile faoi gheasa ag éisteacht agus ag faire orthu.[3] Nuair a bhog Bob Dylan go dtí Greenwich Village, Nua-Eabhrac, i dtús na seascaidí agus é ina fhear óg, chas ségo rialta leo.
Sna 1960idí, bhí na Clancy Brothers agus Tommy Makem in ard a réime i Meiriceá.
In Éirinn, bhí athbheochan an cheoil traidisiúnta faoi lán tseoil. Sheinn Ciarán Mac Mathúna a gcuid amhrán ar an raidió náisiúnta agus d’éirigh Makem agus na Clancy Brothers níos clúití in Éirinn.
De réir mar a chuaigh na 1960idí ar aghaidh, thosaigh grúpaí eile ag déanamh aithrise ar an stíl a bhí ag na deartháireacha Clancy agus Tommy Makem.
CeolCuir in Eagar
Ba ar an amhránaíocht is mó a bhí an bhéim i gceol na ndeartháireacha Clancy agus Tommy Makem agus thug siad inspioráid do ghrúpaí cosúil leis na Dubliners, Na Furey Brothers agus Sweeney’s Men.[2]
Tá roinnt dá n-amhráin ón albam ‘The Boys Won’t Leave The Girls Alone’ fós le cloisteáil, mar shampla, ‘I’ll Tell Me Ma’, ‘As I Roved Out’, 'Will You Go Lassie Go?' agus ‘The Old Woman From Wexford’.
BeathaCuir in Eagar
Trom ar an tobac nuair a bhí sé óg, bhuail ailse scamhóg é. Cailleadh Tommy Makem ar an 1 Lúnasa 2007 i New Hampshire, in aois 74 bliain dó.
Féach freisinCuir in Eagar
TagairtíCuir in Eagar
- ↑ An Spailpín (2007-08-03). "Ag Ceiliúradh Tommy Makem Tar Éis a Bhás". An Spailpín Fánach. Dáta rochtana: 2022-08-01.
- ↑ 2.0 2.1 COGG. "Athbheochan ar Cheol Tíre". Dáta rochtana: 2022.
- ↑ Seán Tadhg Ó Gairbhí (22 Aibreán 2020). "Is mise Bob Dylan an file… An bhfuil an buaiteoir Nobel ag tarraingt as filíocht na Gaeilge ina amhrán nua?" (ga-IE). Tuairisc.ie. Dáta rochtana: 2022-08-01.