Troisième République (An Fhrainc)

Ba í an Troisième République (Gaeilge: 'An Tríú Poblacht') an córas rialtais a bhí i bhfeidhm sa bhFrainc ón mbliain 1870 go dtí an bhliain 1940. Do bunaíodh an Tríú Poblacht i ndiaidh chliseadh na Fraince sa gcogadh idir an Fhrainc agus an Phrúis, rud a chur deireadh leis an Second Empire (Gaeilge: 'Dara hImpireacht na Fraince'), agus ba é Réimeas Vichy a tháinig i ndiaidh na Tríú Poblachta féin.

Troisième République
Aintiún	La Marseillaise
Suíomh
48° 52′ 13″ N, 2° 18′ 59″ E
Príomhchathair	Páras
Daonra
Iomlán	35,565,800
Teanga oifigiúil	an Fhraincis
Tíreolaíocht
Ar theorainn le	Gearmáin na Naitsithe
Sonraí stairiúla
Leanann sé/sí	Dara hImpireacht na Fraince
Cruthú	4 Meán Fómhair 1870
Díscaoileadh	10 Iúil 1940
Á leanúint ag	Rialtas Vichy na Fraince
Eagraíocht pholaitiúil
Córas rialtais	poblacht pharlaiminteach
Comhlacht reachtach	Parlaimint na Fraince
Eacnamaíocht
Airgeadra	franc na Fraince
Aitheantóir tuairisciúil

Léon Gambetta, agus an Tríú Poblacht á fógairt aige, in Hôtel de ville de chathair Pháras, ar an 4ú lá de Mheán Fómhair sa mbliain 1870.

An chéad chóras rialtais a raibh rath fadtréimhseach air sa bhFrainc ó thús Réabhlóid na Fraince sa mbliain 1789 ab ea an Troisième République. I gcaitheamh na mblianta a tháinig i ndiaidh thurnamh mhonarcacht na Fraince, do bunaíodh seacht gcóras rialtais sa bhFrainc: trí [[Monarcacht bhunna deacrachtaí a bhí agesna Francaigh teacht ar chóras rialtais buan soiléiriú ar bhraiteoireacht na hAssemblée nationale (Gaeilge: 'An Tionól Náisiúnta'), ónar theastaigh naoi mbliana - ón mbliain 1870 go dtí an bhliain 1879 - chun deireadh oifigiúil a chur leis an mbunreacht monarcachta a bhí i bhfeidhm roimh thús an Chogaidh Fhranc-Phrúisigh agus bunreacht nua, sin le rá an tríú bunreacht poblachta, a mholadh.

Is as bua na Prúise ar an bhFrainc a tháinig an Tríú Poblacht, agus is fé scáth an aighnis a bhí idir an Ghearmáin agus an Fhrainc a mhair an Phoblacht go dtí gur tháinig deireadh léi ar an 11ú lá d'Iúil sa mbliain 1940, lá ar dhein an Marascal Pétain chef de l'État français (Gaeilge: 'Ceann Stát na Fraince') dó féin.