Tubaiste imirceach sa Mhuir Iónach (2023)

Tubaiste imirceach sa Mhuir Iónach
	36° 54′ 54″ N, 21° 14′ 46″ E / 36.914988°N,21.24604°E
Cineál	tubaiste ar muir ; longbhriseadh
Dáta na bliana	14 Meitheamh 2023
Suíomh	an Mhuir Iónach; an Ghréig, An Ghréig , Pylos, An Ghréig (en)
Tír	an Ghréig
Pointe imeachta	Tobruk, An Libia
Críochphointe	an Ghréig, An Ghréig
Líon básanna	≥ 82
Líon ar iarraidh	± 568
Líon na marthanóirí	104

Bádh cúpla céad teifeach (nó imirceach) ar 14 Meitheamh 2023 nuair a d'iompaigh trálaer iascaireachta béal faoi sa Mhuir Iónach. Tharla an tragóid amach ó chósta na na Peilipinéise i ndeisceart na Gréige, gar do Phulos (nó Pylos), Messenia in uiscí idirnáisiúnta sa Mhuir Iónach ^[1]

Imeachtaí

Tugadh an Adrianna (nó Adriana) ar an mbád iascaireachta (b'fhéidir 20-30m ar fad), a d'fhág cathair Tobruk sa Libia agus a thrasnaigh an Mheánmhuir, ar a shlí chuig an Iodáil.

Dar le Garda Cósta na Gréige go bhfaca criú eitleáin faire (a bhí ar patról sa limistéar ar an 13 Meitheamh), an bád ach gur dhiúltaigh na paisinéirí glacadh le cúnamh uathu. Ghlac an bád soláthairtí ó long a bhí ar a shlí ach dhiúltaigh an criú glacadh le cúnamh uathu níos déanaí. Bhí díocas orthu dul chuig an Iodáil; ní raibh siad sásta dul chuig an nGréig, agus fáilte níos déine sa tír sin don lucht imirce agus iad siúd a dhéanann dúshaothrú orthu.

Ansin tháinig fadhb chun cinn san inneall agus d'ardaigh an ghaoth. Bhí barraíocht ar an mbád an am céanna. Ach níltear ar aon tuairim, beag ná mór, faoi céard a tharla i ndáiríre ; bhí scéal ag Garda Cósta na Gréige ach chuir na meáin idirnáisiúnta go láidir i gcoinne an ráitis oifigiúil.

B'fhéidir go raibh 750 ar mbord, pulctha isteach ar nós sairdíní, agus ní raibh seaicéid tarrthála á gcaitheamh ag na paisinéirí.

Tugadh thart ar 104 duine slán ón uisce, fir go léir, ach bhí na céadta ar iarraidh, agus ní bheidh a fhios againn riamh cé mhéid.^[2] Is in uiscí thar a bheith domhain (4,000 - 5,000+ méadar) sa Mhuir Iónach a chuaigh an bád síos. B'fhéidir go raibh céad páiste sa spás faoin deic.^[3]

Chuaigh an fomhuireán Titan (Oceangate) ar iarraidh timpeall an ama céanna, scéal a tharraing aird na meán ag an am.

Fiosrúcháin agus cásanna dlí

Rinne an t-Ombudóir de chuid an Aontais Eorpaigh, Bean an Phobail Emily O'Reilly, fiosrúchán agus cáineadh Frontex.^[4]

Cuireadh ina leith in 2024 go raibh naonúr as an Éigipt freagrach as gáinneáil ar dhaoine, cás cúirte a tharraing conspóid go leor.^[5]

Féach freisin

Tagairtí

↑ Helena Smith (2023-06-15). "At least 78 people drown as refugee boat sinks off Greece" (en-GB). The Guardian. Dáta rochtana: 2023-06-15.
↑ Nuacht RTÉ (2023-06-14). "78 imirceach ar a laghad báite amach ón nGréig" (as ga-IE).
↑ Helena Smith, Jon Henley (2023-06-15). "Greece shipwreck: up to 100 children were below deck, survivors say" (en-GB). The Guardian. Dáta rochtana: 2023-06-16.
↑ "European Ombudsman". www.ombudsman.europa.eu. Dáta rochtana: 2024-06-13.
↑ "Greece: Defendants in the Pylos shipwreck trial must be released, charges must be dropped" (en-US). International Commission of Jurists (2024-05-17). Dáta rochtana: 2024-06-13.

[1] Helena Smith (2023-06-15). "At least 78 people drown as refugee boat sinks off Greece" (en-GB). The Guardian. Dáta rochtana: 2023-06-15.

[2] Nuacht RTÉ (2023-06-14). "78 imirceach ar a laghad báite amach ón nGréig" (as ga-IE).

[3] Helena Smith, Jon Henley (2023-06-15). "Greece shipwreck: up to 100 children were below deck, survivors say" (en-GB). The Guardian. Dáta rochtana: 2023-06-16.

[4] "European Ombudsman". www.ombudsman.europa.eu. Dáta rochtana: 2024-06-13.

[5] "Greece: Defendants in the Pylos shipwreck trial must be released, charges must be dropped" (en-US). International Commission of Jurists (2024-05-17). Dáta rochtana: 2024-06-13.

[1]

[2]

[3]

[4]

[5]