André Lhote

Ba cheannródaí é André Lhote (5 Iúil 1885 – 24 Eanáir 1962) i bhforbairt na nua-ealaíne sa chéad leath den fhichiú haois. Ba dhealbhóir tréitheach é Lhote agus ba phéintéir thar a bheith cumasach freisin é.

André Lhote

Beathaisnéis
Breith	5 Iúil 1885 Bordeaux, An Fhrainc
Bás	24 Eanáir 1962 76 bliana d'aois Páras, An Fhrainc
Áit adhlactha	Reilig Montparnasse
Faisnéis phearsanta
Scoil a d'fhreastail sé/sí	école des beaux-arts de Bordeaux (en)
Áit chónaithe	Bordeaux Páras
Gníomhaíocht
Réimse oibre	Péintéireacht, priontaíocht agus dealbhóireacht
Gairm	péintéir, múinteoir, ealaíontóir grafach, léirmheastóir ealaíne, dealbhóir, déantóir priontaí, ealaíontóir
Seánra	Portráid
Mac/iníon léinn	Joël Baudouin../... 29+
Teangacha	An Fhraincis
Saothar
Suíomh a chartlainne	Bibliothèque Kandinsky [ LHO] Departmental archives of Yvelines (en) , doiciméad → litir [ 166J, Ms 7245]
Gradam a fuarthas  Chevalier de la Légion d'honneur‎

Saol

Ba iad Gauguin agus Cézanne an dá mhórealaíontóir Francach a chuaigh i bhfeidhm go mór air agus Lhote ina ógfhear ag cur faoi i bPáras. Sa bhliain 1918, chabhraigh Lhote chun an iris ealaíne ríthábhachtach, an Nouvelle Revue Française, a bhunú.

Bhain sé le cuid mhaith de na gluaiseachtaí nua-aoiseacha, mar shampla an Ciúbachas (féach ar Baigneuses, 1917, agus Le Pont, 1917). Bhíodh ailt rialta ag Lhote san iris chéanna ar theoiricí agus ar stíleanna ealaíne ar feadh na mblianta ina dhiaidh sin, anuas chomh fada leis an mbliain 1940.

Thaistil Lhote go forleathan agus thug sé léachtaí ar chúrsaí ealaíne ar fud na hEorpa agus níos faide i gcéin. Ó na 1950idí ar aghaidh, bhí sé ina léachtóir san Éigipt agus sa Bhrasaíl, mar shampla. Tugadh aitheantas d’obair saoil Lhote sa Fhrainc nuair a bronnadh an Grand Prix National de Peinture air sa bhliain 1955.

Fuair Lhote bás i bPáras i 1962.