Is aisteoir agus polaiteoir i Stáit Aontaithe Mheiriceá é Arnold Alois Schwarzenegger (a rugadh ar an 30 Iúil 1947). An 38ú Gobharnóir California a bhí ann.

Arnold Schwarzenegger
SchwarzeneggerJan2010.jpg

In oifig
17 Samhain 2003 - 3 Eanáir 2011
Réamhtheachtaí: Gray Davis
Comharba: Jerry Brown

Dáta breithe 30 Iúil, 1947
Áit bhreithe Thal, Styria, An Ostair
Páirtí Poblachtach
Gairm Aisteoir
Suíomh gréasáin schwarzenegger.com/ (en)
Síniú
Arnold Schwarzenegger Signature.svg
1974

As an Ostair is ea é, agus bhí cáil bainte amach aige mar chorpfhorbróir agus mar aisteoir, i scannáin aicsin go minic. sula ndeachaigh sé isteach sa pholaitíocht mar iarrthóir an Pháirtí Phoblachtaigh do phost ghobharnóir Chalifornia.

1991

SaolCuir in Eagar

Rugadh Schwarzenegger i dThal bei Graz, san Ostair. Bhog sé go SAM sa bhliain 1968, agus in aois 21 dó.

Bhí rath nach beag aige mar chorpfhorbróir. Bhí craobh an domhain, "Mr Olympia", buaite faoi shé aige idir 1970 and 1975.

 
2003

AisteoireachtCuir in Eagar

 
2012

Thosaigh sé ag aisteoireacht Hollywood i 1975. Thánig a chéad scannán amach i 1976, an gheandrámaíocht Stay Hungry le Jeff Bridges.[1]

I measc na scannán cáiliúil atá déanta aige tá The Terminator, Predator[2], True Lies, Kindergarten Cop, agus Total Recall. Is é tuairim na coitiantachta go bhfuil Terminator 2: Judgement Day (1991) ar cheann de na scannáin leantacha is fearr a bhí riamh ann.[3] Sna blianta sin, chuir dhá chnuasach acmhainneach, seanbhunaithe ar a mbonnaibh (The Terminator agus Predator).[4]

PolaitíochtCuir in Eagar

 
2019

Ghlac Schwarzenegger mionn an Ghobharnóra ar an 17 Deireadh Fómhair 2003. Dúirt Ted Kennedy ag an am, nuair a cuireadh in iúl dó go raibh Schwarzenegger díreach tofa mar ghobharnóir ar Chalifornia: “Léiríonn toghadh Arnold go bhfuil muid ag maireachtáil go cinnte i náisiún inimirceach.”[5]

Thosaigh Schwarzenegger a dhara théarma san oifig ar an 5 Eanáir, 2007.

Tháinig Jerry Brown, ball den Pháirtí Daonlathach, ina dhiaidh sa phost sin sa bhliain 2011.

Aisteoireacht arísCuir in Eagar

Bhíodh Schwarzenegger le feiceáil in The Expendables 2 (2012), agus bhi páirt lárnach in The Last Stand (2013) agus ansin Escape Plan (2013)l e Sylvester Stallon, Sabotage (2014), The Expendables 3 (2014),Terminator Genisys (2015), Conan the Conqueror, Why We're Killing Gunther (2016) agus Terminator: Dark Fate (1 Samhain 2019) le James Cameron. Bhí Schwarzenegger seacht mbliana le cois an trí scór nuair a tháinig Terminator Genisys amach, agus dá bhrí sin, ní raibh an teacht i láthair céanna aige. ‘Old, but not obsolete,’ a dúirt Terminator Arnie go deisbhéalach.[3]

TeangachaCuir in Eagar

Ní cainteoir Béarla ó dhúchas é Schwarzenegger agus tá clú ar a bhlas cainte.[6] Bhí sé admhaithe aige gur féidir leis Béarla a labhairt gan aon bhlas ach go gcothaíonn sé é i gcónaí mar go mbíonn an lucht féachana ag súil leis.

Tá scéal ann a mhaíonn go n-úsáideann Schwarzenegger teiripeoir cainte lena bhlas a chaomhnú. Agus nuair a dhéantar leaganacha Gearmáinise dá chuid scannán, ní eisean a dhéanann an t-athghuthú air féin – tá a bhlas dúchasach Ostarach ró-láidir is ró-thuathánach do Terminator,[7]

Saol pearsantaCuir in Eagar

Bhí Schwarzenegger pósta le Maria Shriver, neacht le John F. Kennedy, agus ceathrar clainne acu. Fuair siad colscaradh sa bhliain 2011 i ndiaidh caidreamh le bean eile a bheith nochtaithe. Saolaíodh mac as an gcaidreamh céanna.

TagairtíCuir in Eagar

  1. "Stay Hungry" (in en) (2020-11-15). Wikipedia. 
  2. "Predator (film)" (in en) (2020-11-13). Wikipedia. 
  3. 3.0 3.1 Breandán M Mac Gearailt. "Arnie ar ais – sean agus seanchaite leis" (ga-IE). Tuairisc.ie. Dáta rochtana: 2020-11-17.
  4. Breandán M Mac Gearailt. "Tá sé in am an Predator féin a chur de dhroim seoil agus an aois ag teacht air" (ga-IE). Tuairisc.ie. Dáta rochtana: 2020-11-17.
  5. Tom Deignan. "Léargas grinn ar theaghlach ar leith" (ga). Beo!. Dáta rochtana: 2020-11-17.
  6. Ciarán Dunbar. "12 ceiliúrán ilteangacha Daoine mór le rá le mórán le rá" (en-US). NÓS. Dáta rochtana: 2020-11-17.
  7. youtube.com. "Schwarzenegger, auf Deutsch". Dáta rochtana: 2020.


TagairtíCuir in Eagar