Astronár
Leabhar i nGaeilge le Piaras Béaslaí is ea Astronár, a foilsiódh an chéad uair sa bhliain 1928. Is úrscéal fáthchiallach é, atá suite i dtír shamhailteach in Oirthear na hEorpa, ‘Amora’, tír faoi dhaorsmacht ag muintir ‘Kratónia’.
| Cineál | leabhar  |
|---|---|
| Cárta innéacs | |
| Údar | Piaras Béaslaí |
| Foilseachán | 1928 |
Cúlra
cuir in eagarDar le Béaslai féin: “Ní rabhas ach sé bliadhna deug d’aois [.i. 1897] nuair do chuireas romham an sgeul so cheapadh agus nuair do thuas fén gceud agus an dara caibidil… Do chríochnuigheas “Astronár” san bhliadhain 1912.”[1] Ag an am seo, bhí sé ina bhall de chuid Bhráithreachas na Poblachta, cumann ag troid ar son shaoirse na hÉireann. Sa chaoi céanna, tá fonn ar phríomhlaoich an leabhair (Astronár) Amora a shaoradh ón Kratónaigh.
Creidtear go raibh an chéad lámhscribhínn den leabhar seo scríofa i mBéarla ag an mBéaslaíoch, agus aistríodh í chun Gaeilge ina dhiaidh sin.
Stair an úrscéil
cuir in eagarAr dtús báire, cuireadh i gcló Astronár mar sraithscéal sa "Weekly Freeman" ó mhí an Mhárta, 1921, le linn Chogadh na Saoirse.[2] Níos déanaí, sa bhliain 1928, d'fhoilsigh Muinntir C.S. Ó Fallamhain an t-úrscéal i mBaile Átha Cliath.
Dar le tuairisc ó rúnaí de chuid Roinn Oideachais chuig choiste na Dála, cuireadh 3,000 cóip i gcló ag an am sin, agus díoladh 1,700 cóip idir 1928 agus 1955.[3]
Féach freisin
cuir in eagarTagairtí
cuir in eagar- ↑ Piaras Béaslaí, ‘Astronár’, Baile Átha Cliath, 1928, l. III ('Rémh-rádh').
- ↑ Piaras Béaslaí, ‘Astronár’, Baile Átha Cliath, 1928, l. III ('Rémh-rádh').
- ↑ T. Ó Raifeartaigh, ‘Books in Irish sold as waste paper and books remaining on hands’, Coiste um Chuntais Phoiblí (Dáil Éireann), 8 Eanáir, 1958. (Béarla)
- ↑ Béaslaí (2004-04-27). "Astronár" (ga). Litríocht. Dáta rochtana: 2020-07-10.