Ceannairc de chuid an ghrúpa Wagner

Rinne fórsaí gallóglach Wagner ceannairc ar an 23–24 Meitheamh 2023 i gcoinne stát na Rúise. Níor mhair an cheannairc ach lá amháin sular stopadar a dturas go Moscó. Le linn an lae, ghlac na fórsaí seilbh ar an mbunáit a bhí ag Arm na Rúise i Rostov na Donu agus chonacthas iad 200km ó Mhoscó nuair a stopadh an cheannairc.

Ceannairc de chuid an ghrúpa Wagner

60° N, 50° E
Lipéad sa teanga dhúchais	(ru) Марш справедливости
Cineál	ceannairc éirí amach coinbhleacht armtha marching (en) iarracht coup d'état
Ainmnithe in ómós	Wagner Group (en)
Cuid de	Wagner Group–Russian Ministry of Defence conflict (en)
Tréimhse	23 - 24 Meitheamh 2023
Dáta na bliana	Meitheamh 2023
Tréimhse ama	2023 in Russia (en)
Suíomh	Rúis na hEorpa, An Rúis , Cúige Rostov, An Rúis Cúige Voronezh, An Rúis Cúige Lipetsk, An Rúis
Tír	an Rúis
Rannpháirtí	Wagner Group (en) Ministry of Defense of the Russian Federation (en) National Guard of Russia (en) Storm-Z (en) 217th Guards Airborne Regiment (en) Rusich (en)
Críochphointe	Moscó, An Rúis
Cúis	Wagner Group–Russian Ministry of Defence conflict (en)
Coinbhleacht	ionradh na Rúise ar an Úcráin
Líon básanna	15
Meán cumarsáide

Físeán: Wagner ar a shlí go Moscó

Imeachtaí

Saighdiúirí tuarastail de chuid na Rúise ba ea an ghrúpa Wagner, a bhí i mbun éirí amach ar an 23–24 Meitheamh 2023. Ghlac na ceannaircí seilbh ar an mbunáit a bhí ag Arm na Rúise i gcathair Rostov-ar-an-Don. Cúpla uair níos déanaí, bhí fórsaí Wagner 200 km ó Moscó, nuair a fógraíodh go raibh deireadh leis an gceannairc.

Putin agus Yevgeny Prigozhin sa bhliain 2010, am nuair a bhí Yevgeny Prigozhin ag obair mar lónadóir

Ag labhairt i ndiaidh na ceannairce, dúirt ceannaire Wagner, Yevgeny Prigozhin nach raibh sé mar aidhm aige Vladimir Putin, Uachtarán na Rúise, a chur de dhroim seoil ach gur theastaigh uaidh a chinntiú go nglacfadh ceannairí na tíre "freagracht as na botúin atá déanta" sa chogaíocht. Ní coup d'état i Moscó a bhí súil aige a bhaint amach ach agóid a léireodh easpa dul chun cinn fheachtas armtha na Rúise san Úcráin.

Cháin Prigozhin fórsaí slándála na Rúise go tréan an athuair agus thug le fios go mbeadh deireadh tagtha i bhfad roimhe sin leis an gcogadh in aghaidh na hÚcráine dá mbeadh an Grúpa Wagner i gceannas ar an ionradh.

Iarmhairtí

Sheachain an bhunaíocht i Moscó an grúpa Wagner a bhí ar a thóir, ach an am céanna, buille mór do Putin ab ea an t-éirí amach.

Ba é an dúshlán is mó i gcoinne Putin le linn a cheannaireachta. Chuaigh Yevgeny Prigozhin – ceannasaí fhórsaí Wagner – ar deoraíocht san Bhealarúis. Mhaígh sé nach raibh coup d’état i gceist ach agóid chun a mhíshásamh le ceannairí an airm a léiriú.

Iarmhairtí

I mí Iúil, bhí sé maíte ag ginearál de chuid Arm na Rúise, Maorghinearál Ivan Popov, gur tugadh bata agus bóthar dó mar gur inis sé an fhírinne do na ceannairí míleata i Moscó. Dúirt sé gur thug sé solas ar fhadhbanna lena n-áirítear easpa airtléire agus saighdiúirí a bheith gortaithe nó maraithe in ionsaithe ón Úcráin. Is cosúil gur chuir Popov na teipeanna seo i leith Valery Gerasimov, Ceannaire an Airm, agus Sergei Shoigu, Aire Cosanta na Rúise, gan a n-ainm a úsáid go neamhbhalbh. Bhí an Chreimil ag iarraidh cur in iúl go bhfuil ceannairí ar fad na tíre ina seasamh gualainn ar ghualainn i ndiaidh an mhéid a thit amach leis an eagraíocht Wagner. Ach ba léir go raibh siad scoilte ar cheist ráth an chogaidh san Úcráin.

Cúlra

Bhí an Grúpa Wagner ag troid ar son na Rúise san Úcráin agus bhí buanna móra acu, go háirithe i mBakhmut, ach tá siad freagach as coireanna cogaidh chomh maith, de réir roinnt tuairiscí.

Féach freisin

• Grúpa Wagner
• Yevgeny Prigozhin