Cecilia Margaret Nairn
Céirshamhlóir agus péintéir Éireannach ab ea Cecilia Margaret Nairn (née Cecilia Margaret Campbell; 1791 – 4 Meitheamh 1857).[1][2] Dhírigh sí ar phéintéireacht uiscedhatha de thírdhreacha agus ar mhúnlú bhláthanna as céir.[3] Bhí pictiúir dá cuid ar taispeáint san Acadamh Ibeirneach Ríoga ó 1826 go 1851.[4]
| Beathaisnéis | |
|---|---|
| Breith | (en) Cecilia Margaret Campbell  1791 Baile Átha Cliath |
| Bás | 4 Meitheamh 1857 65/66 bliana d'aois Battersea |
| Gníomhaíocht | |
| Gairm | péintéir |
| Teangacha | Béarla |
| Teaghlach | |
| Céile | George Nairn |
| Athair | John Henry Campbell |
Rinne sí staidéar ar an bpéintéireacht lena hathair, John Henry Campbell, péintéir é féin.[5] Nuair a bhí sí ocht mbliana déag d'aois, thosaigh sí ag taispeáint a cuid oibre i dtaispeántais éagsúla. Sa bhliain 1809, sheol sí saothar chuig an taispeántas ar Shráid Hawkins i mBaile Átha Cliath, agus lean sí ar aghaidh leis an nós seo ar bhonn leanúnach go dtí 1821. Sheol sí a cuid oibre go dtí an tAcadamh Ibeirneach Ríoga ó am go ham idir 1826 agus 1847 i gCill Airne agus Cill Mhantáin.[6] Tá roinnt dá cuid uiscedhathanna in Iarsmalann Uladh.[7]
Rugadh i mBaile Átha Cliath sa bhliain 1791 í.[7] Bhí beirt deartháireacha aici, John agus Charles.[8] Bhí John ina chónaí i mBéal Feirste agus ba dhearthóir patrúin damaisc agus línéadaigh é, agus bhí Charles ina oifigeach airm. Phós sí an péintéir capall Éireannach George Nairn (1799 – 25 Eanáir 1850). Fuair George bás ó thinneas fada pianmhar ar 25 Eanáir 1850, agus fuair sise bás roinnt blianta ina dhiaidh sin, in Oak House, Battersea, ar 4 Meitheamh 1857.
Tagairtí
cuir in eagar- ↑ “ULAN Full Record Display (Getty Research)”. www.getty.edu. Dáta rochtana: 2021-12-13.
- ↑ "Nairn, Cecilia Margaret" (2011-10-31). Oxford University Press. doi:. Dáta rochtana: 2018-07-05.
- ↑ “Cecilia Margaret Campbell (Irish, 1791–1857)”. www.artnet.com. Cartlannaíodh an bunleathanach ar 2018-07-05. Dáta rochtana: 2021-12-13.
- ↑ Gray, Sara (2009). "The Dictionary of British Women Artists". Casemate Publishers]]. ISBN 978-0718830847. (luaite mar "O'Connor, Cecilia Margaret", athair: "J.A. O'Connor")
- ↑ "Irish Women Artists: From the Eighteenth Century to the Present Day" (1987). National Gallery of Ireland. ISBN 0903162407.
- ↑ “NEAR GLENTIES, COUNTY DONEGAL, 1850 (A PAIR) by Cecilia Margaret Nairn (1791-1857) (1791-1857) at Whyte's Auctions | Whyte's - Irish Art & Collectibles”. Whyte's. Dáta rochtana: 2019-04-26.
- ↑ 7.0 7.1 Butler (1997). "Three hundred years of Irish watercolours and drawings": 65–66. Londain: Phoenix Illustrated. ISBN 0-7538-0206-6. OCLC 39489326.
- ↑ Clarke, Frances (2009). “Cecilia Margaret Campbell in Campbell, John Henry”. Dictionary of Irish Biography. Cartlannaíodh an bunleathanach ar 2021-12-13. Dáta rochtana: 2021-12-13.