Iarsmalann Uladh

Tá Iarsmalann Uladh suite ar thailte na Luibhghairdíní i mBéal Feirste. Tá timpeall is 8,000 méadar cearnacha de spás ann do bhailiúcháin an mhúsaeim. Ar an ábhar a thaispeántar ann tá míreanna mínealaíon, ealaíon fheidhmeach, seandálaíochta, eitneagrafaíochta, seoda ó Armáid na Spáinne, staire áitiúla, monaíochta, luibheolaíochta, míoleolaíochta agus geolaíochta. Is é an músaem is mó i dTuaisceart Éireann. Cuid de Músaeim Náisiúnta, Tuaisceart Éireann atá ann.

WD Bosca Sonraí Foirgneamh Iarsmalann Uladh
Sonraí
Cineál	Músaem agus músaem náisiúnta
Cuid de	Músaeim Náisiúnta, Tuaisceart Éireann
Foirgníocht	1929
Suíomh geografach
Limistéar riaracháin	Béal Feirste, Northern Ireland
Suíomh	Botanic Gardens, Belfast BT9 5AB
54.58°N 5.93°W / 54.58; -5.93
Suíomh gréasáin oifigiúil	nationalmuseumsni.org

Iarsmalann Uladh

Bhí Iarsmalann Uladh druidte ar feadh beagnach trí bliana ag toiseacht sa bhliain 2006 agus athdheisiú á dhéanamh air. Fosclaíodh arís don phobal í ar 22 Deireadh Fómhair 2009, cothrom 80 bliain a bhunaidh. Chuidigh an Crannchur Náisiúnta agus an Roinn Cultúir, Ealaíon agus Fóillíochta lena maoiniú.

Cnámharlach tricearatops ag Iarsmalann Uladh

Stair

Bunaíodh Iarsmalann Uladh faoi ainm Belfast Natural History Society sa bhliain 1821 agus thoisigh an cumann a thaispeánadh a chuid bhailiúchán sa bhliain 1833. Tá gaillearaí ealaíona ann ón bhliain 1890 i leith. Ar dtúis, Belfast Municipal Museum and Art Gallery a tugadh air. Sa bhliain 1929, aistríodh an iarsmalann go dtí an suíomh ina bhfuil sí inniu, insan Sruthán Milis. James Cumming Wynne a dhear an foirgneamh sin.

Bailiúcháin

Péintéirí agus dealbhóirí a bhfuil saothar acu san Iarsmalann

• Jean Dubuffet
• Morris Louis
• Anthony Caro
• Karel Appel
• Francis Bacon
• Joseph Beuys
• Eduardo Paolozzi
• Jean-Robert Ipoustéguy
• Henri Laurens

Naisc sheachtracha

• Suíomh Mhúsaem Uladh, arna rochtain ar 7 Iúil 2016 Curtha i gcartlann 2016-07-04 ar an Wayback Machine
• Treoirleabhar oifigiúil don iarsmalann as Gaeilge, arna rochtain ar 7 Iúil 2016 Curtha i gcartlann 2015-10-06 ar an Wayback Machine
• Habitas/Roinn na hEolaíochta Fisiciúla, Iarsmalann Uladh. Arna rochtain ar 7 Iúil 2016 Curtha i gcartlann 2021-04-24 ar an Wayback Machine