Cill Choca

baile i gContae Chill Dara

Is baile beag í Cill Choca atá suite i dtuaisceart Chontae Chill Dara laisteas den Rí, abhainn atá ina teorainn idir Contae Chill Dara agus Contae na Mí. Is gearr an t-achar idir Cill Choca agus Baile Átha Cliath, agus téann go leor oibrithe abhaile chuici. 6,093 daoine atá ina gcónaí i gCill Choca (maidir le daonáireamh 2016).[1] Tá sí suite cois na Canála Ríoga.

Infotaula de geografia políticaCill Choca
Kilcock geograph-3186148-by-Ben-Brooksbank.jpg
Edit the value on Wikidata

Suíomh
 53°23′42″N 6°40′44″W / 53.395°N 6.679°W / 53.395; -6.679
Stát ceannasachÉire
Cúige ÉireannachCúige Laighean
Contae in ÉirinnContae Chill Dara Edit the value on Wikidata
Daonra
Iomlán 6,093 (2016) Edit the value on Wikidata
Tíreolaíocht
Airde 61 m Edit the value on Wikidata
Aitheantóir tuairisciúil
Lonnaithe i gcrios ama
Eile

Láithreán gréasáin ourkilcock.ie Edit the value on Wikidata

StairCuir in Eagar

Deirtear gur bhunaigh Naomh Coca, eaglais cois abhainn an Rí sa 6ú haois in aice tobair a bhí tábhacht págánach ag baint leis.[2] Ar 6 Iúil atá féile Naoimh Choca[2][3][4], ach is beag cuimhne thraidisiúnta a bhí uirthi: nuair a bhí Suirbhéireacht Ordanáis Éireann ar siúl sa cheantar sa bhliain 1837 dúradh mar a leanas:

there is no old church in ruins in this parish nor is any patron saint or day remembered ... the meaning of the name Cille Choc is not remembered

Tá cuntas, mar sin féin, ar chath idir ríthe san 8ú haois láimh le heaglais Naomh Coca, agus í suite ansin i gCairbre. Luaitear Cill Choca arís sa bhliain 1302, nuair ba le hOspidéal Naomh Eoin Iarúisailéim i gCill Mhaighneann í.

Tógadh séipéal nua paróiste sa bhliain 1867 ar £10,000, agus do Naomh Choca a tíolacadh é.[4] Mar a dúirt na suirbhéirí Ordanáis, níl fothraigh féin an tseanteampaill le fáil anois.

 
Radharc an bhaile

IarnródCuir in Eagar

Tháinig an t-iarnród sa bhliain 1847[2] ach dhún an stáisiún arís ar 1 Iúil 1848, agus cúis leis: é a bheith suite ar ardú 1 ar 100, grádán ar dheacair leis na hinnill ghaile é a shárú. Bhí an stáisiún seo beagán lastoir den stáisiún atá anois ann. D'oscail stáisiún nua laistiar den bhaile sa bhliain 1850 ach dhún sé sa bhliain 1963; cuireadh stáisiún eile ar bun sa bhliain 1998. Tá Cill Choca suite ar an iarnród idir Baile Átha Cliath agus Sligeach.

 
Bóithre iarainn na hÉireann

BóithreCuir in Eagar

Seachnaíonn an mótarbhealach M4 Cill Choca ar an taobh theas, agus táthar ag brath ar mhótarbhealach a thógáil a rachadh ó Nás go Droichead Átha trí Chill Choca.[5]

Ferme OrnéeCuir in Eagar

Cruthaíodh Larchill mar ferme ornée san 18ú haois, agus tá sé ar an ngairdín is iomláine den chineál sin san Eoraip.[6] Tá siúlóidí ann faoi scáth na bhfáibhilí idir bréagáin chlasaiceacha agus ghotacha; tá loch ann agus dhá bhréagán ar oileáin ann, gairdín foirmiúil faoi bhalla agus túr sliogán ann, agus clós feirme gotach.

TagairtíCuir in Eagar