FIFA Soccer 95

Is físchluiche sacair é FIFA Soccer 95 a d'fhorbair an comhlacht Meiriceánach Electronic Arts. Eisíodh an cluiche don Sega Genesis i mí na Samhna 1994. Ba é an dara cluiche sa tsraith FIFA, ag leanúint an chluiche FIFA International Soccer a tháinig amach sa bhliain 1993, agus ba é an t-aon cheann sa tsraith nár eisíodh ar an ríomhaire.

FIFA Soccer 95

Foilsiú	10 Samhain 1994
Seánra	físchluiche sacair
Cur síos ar an gcruinne ficseanúil	FIFA universe (en)
Ar fáil sa	Béarla, an Fhraincis, an Ghearmáinis agus an Spáinnis
Saintréithe teicniúla
Ardán	Sega Genesis
Modhanna	físchluiche d'imreoir aonair agus físchluiche ilimreoirí
Gléas ionchuir	ceap stiúrtha
Foireann
Forbróir(í)	EA Vancouver
Eagarthóir	EA Sports
Cumadóir	Jeff van Dyck
Cáilíochtaí
ESRB PEGI
Tuilleadh eolais
MobyGames	fifa-soccer-95
Sraith: FIFA (peil fantaisíochta)

Imirt

Ionsamhlú sacair a úsáideann dearcadh isiméadrach atá sa gcluiche. Rialaítear imreoir amháin den aon duine dhéag ar fhoireann, agus táthar in ann an t-imreoir faoi rialú a athrú ag am ar bith. Is féidir le suas le ceathrar an cluiche a imirt san am céanna, gach ceann acu ag rialú imreoir difriúil. Tá na himreoirí eile faoi stiúir an ríomhaire.

Is é an cluiche an chéad cheann sa tsraith a bhfuil clubanna ó shé shraith náisiúnta ar fud na hEorpa ann: an Premier League i Sasana, Ligue 1 sa Fhrainc, an Bundesliga sa Ghearmáin, Serie A san Iodáil, an Eredivisie san Ísiltír, agus La Liga sa Spáinn. Tá roinnt clubanna ó na sraitheanna Campeonato Brasileiro sa Bhrasaíl agus an American Professional Soccer League ar fáil freisin. Níor chlúdaigh na ceadúnais ainmneacha na n-imreoirí, agus mar sin úsáideadh ainmneacha ficseanúla sa gcluiche.