Giorgio Almirante
Ba pholaiteoir Iodálach é Giorgio Almirante (27 Meitheamh 1914 - 22 Bealtaine 1988), bunaitheoir agus ceannaire an pháirtí nuafhaisistigh 'Gluaiseacht Shóisialta na hIodáile', go dtí gur éirigh sé as sa bhliain 1987.
Luathshaol cuir in eagar
Rugadh Almirante ag Salsomaggiore Terme, in Emilia Romagna, ach ba as Molise a thuismitheoirí le sinsearacht uasal. Ba é a haintín an t-aisteoir Italia Almirante Manzini. Chaith sé a óige ag leanúint a thuismitheoirí, a d'oibrigh san amharclann, i Torino agus sa Róimh. Bhain sé céim amach sa Litríocht i 1937.
Faisisteachas roimh an gcogadh cuir in eagar
Fuair Almirante oiliúint mar mhúinteoir scoile, ach chuaigh sé ag obair ag scríobh don iris fhaisisteach sa Róimh Il Tevere. Bhí an-tionchar ag an iriseoir Telesio Interlandi ar a saol, a bhí ina mheantóir idé-eolaíoch aige. Iriseoir ó thaobh gairme dede réir gairme de, bhí cuid mhór scríofa ag Almirante don irisleabhar Interlandi La Difesa della Razza (Cosaint an chine)a go forleathan do irisleabhar Interlandi 'La Difesa della Razza' (Cosaint an chine). Chabhraigh Almirante freisin le Repubblica Sociale Italiana (RSI) (Gaeilge: Poblacht Shóisialach na hIodáile) a eagrú, nuair a ceapadh é ina Cheann Comh-Aireachta ar an Ministero della Cultura Popolare (Gaeilge: Aireacht Cultúir Coitianta) sa bhliain 1944.
Movimento Sociale Italiano (MSI) (Gluaiseacht Shóisialta na hIodáile) cuir in eagar
Ceannasaíocht cuir in eagar
Tar éis an faisisteachas a bheith buailte go dona, cúisíodh Almirante mar gur ordaigh sé lámhach na bpáirtiseán sa bhliain 1944, cé gur cuireadh deireadh leis trí mhaithiúnais ghinearálta. Theith sé ón Iodáil tar éis an chogaidh ach d'fhill sé ar ais sa bhliain 1946 chun a ghrúpa faisisteach beag féin a bhunú. Glacadh go tapa é isteach i nGluaiseacht Shóisialta na hIodáile (MSI), a bunaíodh an bhliain chéanna.