Hartley Rogers, Jr.
Matamaiticeoir Meiriceánach agus saineolaí ar theoiric na hinríofachta ab ea Hartley Rogers, Jr. (6 Iúil 1926 – 17 Iúil 2015). Bhí sé ina ollamh i Roinn na Matamaitice in Institiúid Teicneolaíochta Massachusetts (MIT) ar feadh 53 bliain.
| Beathaisnéis | |
|---|---|
| Breith | 6 Iúil 1926 Buffalo, New York  |
| Bás | 17 Iúil 2015 89 bliana d'aois Waltham, Massachusetts |
| Faisnéis phearsanta | |
| Scoil a d'fhreastail sé/sí | Ollscoil Princeton |
| Comhairleoir dochtúireachta | Alonzo Church |
| Gníomhaíocht | |
| Gairm | matamaiticeoir |
| Fostóir | Institiúid Teicneolaíochta Massachusetts |
| Teangacha | Béarla |
| Saothar | |
| Mac léinn dochtúireachta | John Stillwell, Carl Jockusch, David Park, Rohit Jivanlal Parikh, Patrick C. Fischer, David Luckham, Jeanne Ferrante, Paul Ruel Young, Andrew Kahr, Clement Fisher Kent, Donald Kreider, Louis Hodes, William Ernest Ritter, Michael Gary Wasserman, Ann Marie Singleterry, James Robert Geiser, Lawrence Feiner, David Lawrence Myers agus Jay John Tuthill Lagemann |
Gradam a fuarthas | |
Beathaisnéis
cuir in eagarRugadh Rogers in 1926 i Buffalo, Nua-Eabhrac. Rinne sé staidéar ar an mBéarla in Ollscoil Yale, agus bhain sé céim amach in 1946. Tar éis cuairt a thabhairt ar Ollscoil Cambridge faoi Chomhaltacht Henry, d'fhill sé ar Yale le céim mháistreachta san fhisic a dhéanamh, rud a chríochnaigh sé in 1950. Ansin, rinne sé staidéar ar an matamaitic faoi stiúir Alonzo Church in Ollscoil Princeton. Bhain sé a dhara céim mháistreachta amach in 1951,[1] agus céim Ph.D. ann in 1952.
Ceapadh é ina Léachtóir Benjamin Peirce in Ollscoil Harvard in 1952, agus mhúin sé ansin go dtí 1955. Rinneadh ollamh de i Roinn na Matamaitice in MIT in 1956.[1] I measc a chuid mac léinn dochtúireachta, bhí Patrick Fischer, Louis Hodes, Carl Jockusch, Andrew Kahr, David Luckham, Rohit Parikh, David Park, agus John Stillwell. Bhí sé ina chathaoirleach ar Sheanad na Dáimhe in MIT ó 1971 go 1973, agus bhí sé ina phropast comhlach ar an institiúid ó 1974 go 1980.[1]
Taobh amuigh den mhúinteoireacht agus den taighde, bhí Rogers ina iomróir díograiseach agus ghlac sé páirt i gcomórtais rámhaíochta i mBostún agus timpeall an domhain.[1]
Chuaigh sé ar scor mar ollamh emeritus in 2009, agus fuair sé bás ar an 17 Iúil 2015.[1]
Obair matamaiticiúil
cuir in eagarRinne Rogers staidéar ar an loighic mhatamaiticiúil, go háirithe teoiric na hathchúrsála agus teoiric na hinríofachta. Scríobh sé téacsleabhar clasaiceach dar teideal Theory of Recursive Functions and Effective Computability.[2]
Bhuaigh sé Gradam Lester R. Ford in 1965 as a alt léiritheach Information Theory.[3]
Rogha saothar
cuir in eagar- "Recursive functions over well ordered partial orderings" (1959). Proc. Amer. Math. Soc. 10 (6): 847–853. doi:.
- "Constructive versions of ordinal number classes" (1961). Trans. Amer. Math. Soc. 100 (2): 325–369. doi:.
- "On universal functions" (1965). Proc. Amer. Math. Soc. 16: 39–44. doi:.
- Hartley Rogers Jr., The Theory of Recursive Functions and Effective Computability, MIT Press.[4]
Naisc sheachtraca
cuir in eagarTagairtí
cuir in eagar- ↑ 1.0 1.1 1.2 1.3 1.4 “Hartley Rogers, Jr., Professor Emeritus of Mathematics”. MIT Mathematics Department (July 22, 2015). Dáta rochtana: 2024-06-28.
- ↑ Hartley Rogers, Jr. (1967). "Theory of Recursive Functions and Effective Computability". McGraw Hill.
- ↑ Rogers Jr., Hartley (1964). "Information Theory". Mathematics Magazine 37 (2): 63–78. doi:.
- ↑ Yates, C. E. M. (March 1971). "Review: Theory of recursive functions and effective computability, by Hartley Rogers Jr". J. Symb. Log. 36 (1): 141–146. doi:. JSTOR 2271523.