Hedd Wyn

B'é Hedd Wyn an t-ainm fileata a bhí ar an bhfile Breatnach Humphrey Ellis Evans (13 Eanáir 1887 – 31 Iúil 1917). Dhealródh sé gur "Síocháin Bhán" an t-aistriúchán Gaeilge is gaire don ainm.

Hedd Wyn

Beathaisnéis
Breith	(cy) Ellis Humphrey Evans 13 Eanáir 1887 Trawsfynydd, Wales
Bás	31 Iúil 1917 30 bliana d'aois Ypres, An Bheilg
Áit adhlactha	Artillery Wood Cemetery (en)
Faisnéis phearsanta
Gníomhaíocht
Gairm	file, scríbhneoir
Ainm cleite	Hedd Wyn
Teangacha	An Bhreatnais
Gairm mhíleata
Brainse míleata	Arm na Breataine
Coinbhleacht	An Chéad Chogadh Domhanda
Saothar
Suíomh a chartlainne	Leabharlann Náisiúnta na Breataine Bige
Teaghlach
Céile	luach ar iarraidh
Duine muinteartha	Gerald Williams (nia)
Gradam a fuarthas  Chair of the National Eisteddfod (en)

Saol agus saothar

B'as Trawsfynydd/Sír Feirionydd i dTuaisceart na Breataine Bige ó dhúchas do Hedd Wyn. Rugadh é i 1887, mac le Máire agus Evan Evans. Tar éis freastal ar an scoil áitiúil, d'oibrigh sé sa bhaile lena athair, a bhí ina fheirmeoir. Ghlac Hedd Wyn páirt sa Chéad Chogadh Domhanda agus maraíodh sa chogaíocht é ar an 31 Iúil 1917. Bhuaigh sé Eisteddfod Náisiúnta na Breataine Bige i mBirkenhead i 1917 d'Óid a scríobh sé, cé gur maraíodh sé mhí roimhe sin in Ypres é.

Oidhreacht

Scríobh an file Roibeard Williams sraith ar leith i gcuimhne do Hedd Wyn, ag tosú leis an líne "Y bardd trwm dan bridd tramor" ("an file faoi ithir eachtrannach trom"). Cuireadh suas cuimhneachán dó, a nocht a mháthair, i lár Trawsfynydd i 1923. Dealbh práis atá sa séadchomhartha.

An scannán Hedd Wyn

Rinne an stiúrthóir Paul Turner scannán faoi Hedd Wyn den teideal céanna i 1992 agus ainmníodh é le haghaidh Oscar don chatagóir "Scannán Eachtrannach is Fearr". Is ag an aisteoir Huw Garmon a bhí an príomhról sa scannán sin. Taispeánadh an scannán ar TG4 roinnt blianta ó shin.