Horst Mahler

Dlíodóir agus iar-sceimhlitheoir de chuid Dhrong Baader-Meinhof é Horst Mahler (a tháinig chun saoil i Haynau, inniu: Chojnów sa Pholainn, ar an 23 Eanáir 1936) a chuaigh le ciníochas agus le náisiúnachas faisisteach níos déanaí ina shaol.

Horst Mahler

(2001)
Beathaisnéis
Breith	23 Eanáir 1936 88 bliana d'aois Chojnów, An Pholainn
Faisnéis phearsanta
Scoil a d'fhreastail sé/sí	Freie Universität Berlin
Gníomhaíocht
Gairm	dlíodóir (1964–2009), iriseoir tuairime, gníomhaí polaitiúil, polaiteoir
Ball de pháirtí polaitíochta	Die Heimat (en) (2000–2003) Páirtí Sóisialta Daonlathach na Gearmáine (1957–1961) Páirtí Cumannach na Gearmáine
Ball de	Rote Armee Fraktion (1970–1974) Sozialistischer Deutscher Studentenbund (en)
Teangacha	An Ghearmáinis
Eile
Céile	Sylvia Stolz
Ciontaíodh i	Holocaust denial (en) (2008) → (carcrú) Holocaust denial (en) (2009) → (carcrú) Holocaust denial (en) (2009) → (carcrú)
Croineolaíocht
15 Samhain 2006	detention (en)
8 Deireadh Fómhair 1970	detention (en)

Ghlac sé páirt i mbunú Dhrong Baader-Meinhof sa bhliain 1970. Chaith sé an chuid ba mhó de na seachtóidí sa phríosún mar phionós as a chuid ainghníomhartha mar sceimhlitheoir.

Sa bhliain 1980, scaoileadh saor é, agus i 1987, fuair sé ceadúnas arís ceird an dlíodóra a chleachtadh.

Sna 1990idí, chuaigh sé le hantoisceachas na heite deise, agus sna blianta 2000-2003, bhí sé ina bhall den NPD ("Páirtí na nDaonlathach Náisiúnta"), an ceann is tábhachtaí de pháirtithe na heite deise antoiscí sa Ghearmáin.

Ina dhiaidh sin, áfach, thréig sé an páirtí, nach raibh sách radacach aige, agus bhunaigh sé cumann nua do lucht diúltaithe an Uilelosctha, Verein zur Rehabilitierung der wegen Bestreiten des Holocausts Verfolgten.

1970idí

Chaill sé a cheadúnas dlíodóireachta arís sa bhliain 2004, toisc go bhfuarthas gur cumann frith-bhunreachtúil a bhí ann, is é sin, go raibh cuspóirí an chumainn ag teacht salach ar bhunreacht daonlathach na Gearmáine.

Ina dhiaidh sin féin, tharraing Mahler súil air féin go minic leis na ráitis mhadrúla phoiblí inar cháin sé na Giúdaigh, na ciníocha neamh-Eorpacha agus an daonlathas parlaiminteach.

Féach freisin

• Rote Armee Fraktion