Ichiyō Higuchi

scríbhneoir Seapánach

Údar Seapánach ba ea Ichiyō Higuchi (樋口 一葉 Higuchi Ichiyō) (2 Bealtaine 1872 - 23 Samhain 1896), bean a baisteadh mar Natsu Higuchi (樋口 奈津 Higuchi Natsu) agus a dtugtar Natsuko Higuchi (樋口 夏子 Higuchi Natsuko) uirthi freisin.

Ichiyō Higuchi
Higuchi Ichiyou.png
Saol
Ainm iomlán 樋口奈津
Eolas breithe Tóiceo, 2 Bealtaine 1872
Náisiúntacht Impireacht na Seapáine
Grúpa eitneach Seapánaigh
Teanga dhúchais An tSeapáinis
Bás Uchisaiwaichō (en) Aistrigh, 23 Samhain 1896
Áit adhlactha Reilig Yanaka
Cúis bháis bás nádúrtha (eitinn)
Oideachas
Teangacha An tSeapáinis
Gairm
Gairm úrscéalaí, scríbhneoir agus file tanka
Saothar iomráiteach Takekurabe
Nigorie (en) Aistrigh
IMDb nm0383678

LuathshaolCuir in Eagar

Ba de shliocht samúraíoch í Higuchi, agus rugadh í sa ré Meiji i dTóiceo. Bhí sí siúlach agus d'aistrigh sí ó theach go teach dhá uair déag. I gceann a ceithre bliana déag d'fhreastail sí ar an Haginoya, scoil filíochta, ach nuair a bhí sí cúig bliana déag cailleadh a deartháir agus chlis gnó a athar. Is gearr go bhfuair sé bás, rud a d'fhág Higuchi mar cheann an teaghlaigh in aois a seacht mbliana déag.

Tháinig sí féin, a máthair agus an deirfiúr ab óige aici i dtír le níochán, le fuáil agus le hobair eile den saghas sin. Nuair a chonaic sí cé chomh maith is a d'éirigh le Yabu no uguisu ("Éin Cheoil sa Gharrán," 1888), úrscéal le Kaho Tanabe (田辺花圃 - Tanabe Kaho 1868-1943), seanpháirtí scoile, shocraigh sí ar dhul le scríbhneoireacht chun a teaghlach a cothú.

 
5000 yen

ScríbhneoireachtCuir in Eagar

Tháinig an chéad úrscéal ó lámh Higuchi in aois a fiche bliain agus é scríofa faoin ainm Ichiyō. Sa bhliain 1894 foilsíodh Ōtsugomori (大つごもり - "Oíche Chinn Bhliana"), an chéad mhórshaothar aici, agus lean scéalta eile é a fuair ardmholadh ó gháthléitheoirí agus ó léirmheastóirí araon: Takekurabe, Nigorie (にごりえ - "Cúrsaí Corracha") agus Jūsan'ya (十三夜|| - "An Tríú hOíche Dhéag").

Sa bhliain 1896 fuair sí bás le heitinn, galar a tholg sí tamaillín roimhe sin. Níor phós sí riamh, cé go bhfuair sí tairiscint agus í fiche bliain d'aois.

 
Cuimhneachán

Tá ardmheas fós ar a saothar, agus áirítear í mar an gcéad bhanscríbhneoir proifisiúnta nua-aoiseach sa tSeapáin.

Liosta leabharCuir in Eagar

  • Robert Lyons Danly. A study of Higuchi Ichiyō. Yale University, 1980.
  • Robert Lyons Danly. In the Shade of Spring Leaves: The Life and Writings of Higuchi Ichiyō. New Haven: Yale University Press, 1981.
  • Yukiko Tanaka. Women writers of Meiji and Taishō Japan: their lives, works and critical reception, 1868-1926. McFarland, 2000.

Naisc sheachtrachaCuir in Eagar

NaiscCuir in Eagar

TagairtíCuir in Eagar