Institiúid an Aoire Mhaith

Institiúid an Aoire Mhaith
Sonraí
Cineál	sochaí na beatha aspalda
Stair
Dáta a bunaíodh	2006
Bunaitheoir(í)	Philippe Laguérie, Guillaume de Tanoüarn (en) , Paul Aulagnier (en) , Christophe Héry (en) agus Henri Forestier (en)
Gníomhaíocht
Gluaiseacht	Caitliceachas traidisiúnaíoch
Rialachas corparáideach
Ceanncheathrú	Courtalain, An Fhrainc;
Stiúrthóir/bainisteoir	Luis Gabriel Barrero Zabaleta (en) (2019–)
Codanna	Régis Spinoza ; Matthieu Raffray (en)
Suíomh gréasáin	institutdubonpasteur.org

Cuireadh Institiúid an Aoire Mhaith (Laidin: Insitutum a Bono Pastore) ar bun i mBordeaux na Fraince ar 8 Meán Fómhair 2006. Mar sin féin, tá an comhphobal taobh thiar de níos sine fós. Caitheadh an tAthair Paul Aulagnier amach ó Chumann Naomh Pius X sa bhliain 2003 tar éis dó labhairt go poiblí i bhfabhar an athmhuintearas idir an Pápa agus traidisiúnaithe ó Dheoise Campos agus cruthú an Reachtas Aspalda Eoin Máire Vianney Naofa ann. Bhí an tAthair Aulagnier an-mhór leis an Ardeaspag Lefebvre (1905-1991) a chuir Cumann Naomh Pius X ar bun.

Sa bhliain 2004, labhair an tAthair Philippe Laguérie, sagart eile de chuid Chumann Naomh Pius X, amach i gcoinne polasaithe i gcliarscoileanna an Chumainn agus caitheadh amach as an gCumann é. D'fhan sé i mbun an teach a bhí aige i mBordeaux áfach agus tháinig roinnt sagart eile ón gCumann chuige. Tar éis dóibh socruithe a dhéanamh le hArd-deoise Bordeaux agus reachtas na hEaglaise Caitlicigh sa Róimh, bronnadh aitheantas ar an Institiúid nua. Tháinig roinnt sagart eile chucu agus anois tá tithe acu sa Bhrasaíl, sa tSile agus sa Cholóim.

Léann sagairt na hInstitiúide an tAifreann Laidineach amháin.

Naisc sheachtracha

Institutdubonpasteur.org
IBP i Meiriceá Theas Curtha i gcartlann 2019-02-18 ar an Wayback Machine