Ar an 7 Aibreán 2017, tharla ionsaí sceimhlitheoireachta i lár Stócólm, príomhchathair na Sualainne. Fuadaíodh leoraí agus tiomáineadh é d'aon turas isteach sna sluaite ar Drottninggatan (Sráid na Banríona) sular tuairteáladh isteach i siopa ilranna Åhléns é. Maraíodh cúigear, cailín aon bhliain déag d’aois ina measc, agus gortaíodh 14 duine eile go dona.
Ba é Rakhmat Akilov, iarrthóir tearmainn diúltaithe agus saoránach den Úisbéiceastáin, a rinne an t-ionsaí. Gabhadh roinnt uaireanta an chloig níos déanaí é. Thug sé dílseacht don Stát Ioslamach i bhfíseán féintaifeadta an lá roimh an ionsaí, agus dúirt údaráis na hÚisbéiceastáine go ndeachaigh sé isteach sa ghrúpa. Ciontaíodh Akilov as coireanna dúnmharaithe agus sceimhlitheoireachta, agus cuireadh pianbhreith saoil air agus, dá scaoilfí saor é, é a chur ar ionnarbadh go dtí an Úisbéiceastáin agus a dhíbirt ar feadh a shaoil ón tSualainn.
Is síol é an t-alt seo. Cuir leis, chun cuidiú leis an Vicipéid.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |
