Leictreondís

Sa cheimic, bíonn leictreondís nó dís Lewis comhdhéanta de dhá leictreon, a lonnaíonn sa bhfithiseán móilíneach céanna ach a bhfuil guairní urchomhaireacha acu. Thug Gilbert N. Lewis coincheapa na leictreondíse agus nasc comhfhiúsach isteach i bpáipéar sainchomhartha a d’fhoilsigh sé i 1916.

Léaráidí na bhfithiseán móilíneach a thaispeánann nascadh comhfhiúsach (ar chlé) agus nascadh comhfhiúsach polarach (ar dheis) i móilín dé-adamhach . Sa dá chás cruthaítear banna trí phéire leictreon a fhoirmiú.

Toisc gur feirmíóin iad leictreoin, cuireann prionsabal eisiaimh Pauli cosc ar na cáithníní seo na huimhreacha chandamach céanna a bheith acu. Dá bhrí sin, chun dhá leictreon a lonnú sa bhfithiseán céanna, agus ar an gcaoi sin an candamuimhir fithiseáin chéanna a bheith acu, ní mór go mbeadh uimhir candamuimhir ghuairneach dhifriúil acu. Cuireann sé seo teorainn freisin le líon na leictreon sa bhfithiseán céanna go dtí dhá cheann.