Leiv Eiriksson

Tabhair faoi deara gur ainm athartha atá ar an duine seo, seachas sloinne. Dá bhrí sin, is ceart Leiv a thabhairt air in ionad Eiriksson.

Taiscéalaí Lochlannach ba ea Leiv Eiriksson (Sean-Lochlainnis: Leifr Eiríksson, .i. Leif mac Eirik; t. 970 – t. 1019 go 1025). De réir ságaí Íoslannacha, bhunaigh Leiv coilíneacht de chuid na Lochlannach i d"Tír na bhFíniúnacha", a bhí i Meiriceá Thuaidh de réir dealraimh, thart ar leithmhílaois roimh Chríostóir Colambas. Ceaptar gurbh fhéidir gurb ionann an choilíneacht sin agus lonnaíocht Lochlannach a fuarthas i L'Anse aux Meadows i dTalamh an Éisc.

Leiv Eiriksson

Ainm sa teanga dhúchais	(non) Leifr heppni Eiríksson
Beathaisnéis
Breith	c. 978 Icelandic Commonwealth (Icelandic Commonwealth)
Bás	c. 1020 41/42 bliana d'aois Brattahlíð, b'fhéidir
Faisnéis phearsanta
Reiligiún	An Chríostaíocht agus creideamh na Sean-Lochlannach
Gníomhaíocht
Gairm	taiscéalaí, mairnéalach
Teangacha	Sean-Lochlainnis an Iarthair
Teaghlach
Athair	Erik an Dearg  agus Thjodhild
Siblín	Freydís Eiríksdóttir, Thorvald Eiriksson agus Thorstein Eiriksson

Luathshaol agus pearsanta

Mac le hErik Rua, bunaitheoir na chéad lonnaíochta Lochlannach sa nGraonlainn, agus le Þjóðhildur na hÍoslainne, ab ea Leiv. Ceaptar gur rugadh é san Íoslainn, ach tógadh é i Lonnaíocht Oirthearach na Graonlainne, in eastát a mhuintire arbh ainm dó Brattahlíð. Tráill de chuid Erik, Tyrker, a thóg Leiv ar altramas.

Bhí beirt mhac ag Leiv, Thorgils, ar ar rug an bhean uasal Thorgunna in Inse Ghall; agus Thorkell, a tháinig i gcomharbacht ar a athair mar thaoiseach sa nGraonlainn.