Mael Mórdha
Is banna miotail ceilteach Éireannach as Baile Átha Cliath, Éire é Mael Mórdha. Is féidir a ainm a scríobh freisin i gclóghrafaíocht thraidisiúnta na hÉireann, mar Mael Mórḋa. Meascann ceol an bhanna miotal le ceol traidisiúnta na hÉireann chun rud ar a dtugtar “Gaelic doom metal” a chruthú.[1]
 (2008)  | |
| Sonraí | |
|---|---|
| Cineál | banna ceoil |
| Stair | |
| Dáta a bunaíodh | 1998 |
| Gníomhaíocht | |
| Tréimhse oibre | 1998 – |
| Lipéad ceoil | Candlelight Records |
| Seánra | Doom metal (en)  |
| Suíomh gréasáin | http://mael-mordha.com/ |
      | |
Stair
cuir in eagarBhunaigh Roibéard Ó Bogail (iar-cheoltóir an bhanna Dreamsfear) Mael Mórdha i mí Eanáir 1998. De bharr neart dhá CL dheireanacha an bhanna, Caoineadh na nGael agus Cluain Tarbh, síníodh an banna leis an lipéad Ollannach Karmageddon Media a d’eisigh céad albam an bhanna, Cluain Tarbh ar 12 Meán Fómhair 2005. D'eisigh Sentinel Records leagan eile de theideal traic an albaim ar cheirnín mar eagrán teoranta, roinnte lena gcomh-Éireannaigh Primordial, i ngeimhreadh na bliana 2005.
Mar gheall ar fhadhbanna tromchúiseacha inmheánacha laistigh de Karmageddon agus easpa soláthar den albam ar fáil, d'fhág an banna an lipéad agus shínigh siad le Grau Records sa Ghearmáin i mí Feabhra 2006. Is é Gealtacht Mael Mórdha an chéad albam a d'eisigh an banna trí Grau Records, ar 19 Márta 2007. In 2008, d’atheisigh Grau Records a gcéad albam le dhá rian breise a taifeadadh roimhe seo ar chéad Ceirnín Leathfhada an bhanna, The Path to Insanity.
Chuaigh an banna isteach sa bhabhta Éireannach de Chomórtas Amhránaíochta na hEoraifíse 2005 go déanach i 2004, agus é mar aidhm acu an babhta ceannais a bhí ar siúl i Kyiv, san Úcráin in 2005 a bhaint amach.[2]
D’eisigh Grau Records an tríú halbam de chuid Mael Mórdha dar teideal Manannán ar 14 Bealtaine 2010.[1]
Idir Samhain 2011 agus Eanáir 2012 rinne Mael Mórdha taifead ar a gceathrú halbam ag Foel Studio sa Bhreatain Bheag, leis an léiritheoir Chris Fielding. Dar teideal Damned When Dead, d’eisigh Candlelight Records an t-albam i Meán Fómhair 2013. I mí Eanáir 2014, d’fhág Roibéard Ó Bogail an banna. Tháinig an t-amhránaí Celtachor Stíofán De Roiste ina áit i mí Dheireadh Fómhair na bliana sin.[3]
I 2016 bhunaigh Murphy, Cahill, agus Clince, Death the Leveller le iar-amhránaí Cursed Earth, Denis Dowling.[4]
Baill
cuir in eagarReatha
cuir in eagar- Stíofán De Roiste - Gutha, Feadóg Stáin[5]
- Gerry Clince - Giotár
- Dave Murphy - Dord
- Shane Cahill - Drumaí
Iar
cuir in eagar- Roibéard Ó Bogail - Gutha, Feadóg Stáin
- Anthony Lindsay - Giotár
Dioscliosta
cuir in eagarAlbaim
cuir in eagar| Bliain | Albam |
|---|---|
| 2005 | Cluain Tarbh |
| 2007 | Gealtacht Mael Mórdha |
| 2010[6] | Manannán |
| 2013 | Damned When Dead |
CL/Scoilteana
cuir in eagar| Bliain | PE |
|---|---|
| 1999 | The Path to Insanity |
| 2000 | The Inferno Spreads |
| 2003 | Caoineadh na nGael |
| 2004 | Cluain Tarbh EP |
| 2005 | Primordial/Mael Mórdha |
Tagairtí
cuir in eagar- ↑ 1.0 1.1 “blabbermouth.net - Mael Mórdha To Release 'Manannán' In May - Apr. 19, 2010”. Cartlannaíodh an bunleathanach ar 2013-02-01. Dáta rochtana: 2010-07-24.
- ↑ “Mael Mórdha performing on You're A Star”. YouTube. Cartlannaíodh an bunleathanach ar 2021-12-19. Dáta rochtana: 10 October 2020.
- ↑ “Interview : Dave Murphy of MAEL MÓRDHA”. Irishmetalarchive.com. Dáta rochtana: 10 October 2020.
- ↑ “Death The Leveller”.
- ↑ “Mael Mordha”.
- ↑ Mael Mórdha: New Album Delayed Until Next Year blabbermouth.net.