Mainistir Mhuraisce
Tá Mainistir Mhuraisce[1] suite ar chladaí Chuan Mó agus faoi scáth Chruach Phádraig. Bhunaigh na bráithre Agaistíneacha an mhainistir sa bhliain 1456 mar gheall 'nach bhfuil fios a gcreideamh tugtha do mhuintir na dúiche go dtí seo'.[2][3]
 | ||||
|---|---|---|---|---|
| ||||
| Sonraí | ||||
| Cineál | Fothrach mainistreach  | |||
| Foirgníocht | 15 haois | |||
| Suíomh geografach | ||||
| Limistéar riaracháin | Contae Mhaigh Eo, Éire | |||
| ||||
| Séadchomhartha náisiúnta na hÉireann | ||||
| Aitheantóir | 196 | |||
| ID logainm | 114333 | |||
Bhronn Aodh Ó Máille, an taoiseach áitiúil Gaelach, an talamh ar na bráithre. Cuimsíonn na fothraigh foirgneamh ar chruth 'L' ina raibh séipéal, sacraistí agus seomra caibidle ina dtagadh na bráithre le chéile chun gnó a phlé agus chun an chaibidil ar riail an oird a léamh go laethúil.
Tá an séipéal fada agus caol, díreach mar a bhíonn séipéil Agaistíneacha.
Tá mínfhuinneog ar an taobh thoir, le cloigne snoite daonna ar an mballa taobh amuigh de. Tá roinnt mínfhuinneog ar an mballa ó dheas a bhfuil forbhallaí os a chionn. Tugann sé seo le fios dúinn go ndearnadh daingniú de chineál éigin ar an bhfoirgneamh.
Inniu
cuir in eagarNíl fágtha inniu den túr ar thaobh thiar an tséipéil ach bonnlíne de shiléar greanta easnach.
Féach freisin
cuir in eagarTagairtí
cuir in eagar- ↑ “Mainistir Mhuraisce/Murrisk Friary | logainm.ie” (ga). Bunachar Logainmneacha na hÉireann (Logainm.ie). An Coimisiún Logainmneacha. Dáta rochtana: 2023-06-25.
- ↑ "Murrisk Abbey, Carrowkeel, Co. Mayo | National Monuments Service" (en). www.archaeology.ie. Dáta rochtana: 2021-10-11.
- ↑ "Sli Seandálaíochta Chuan Módh" (ga).