Agaistínigh

Agaistínigh
Sonraí
Ainm gearr	O.S.A.
Cineál	ord déirce
Reiligiún	an Eaglais Laidine
Stair
Dáta a bunaíodh	1244
Bunaitheoir(í)	Pápa Innocent IV
Rialachas corparáideach
Ceanncheathrú	an Róimh, An Iodáil;
Fochomhlacht	Česká provincie Řádu sv. Augustina (en)
Úinéir de	Colegio Mayor Universitario Elías Ahúja (en) ; Colegio Mayor Universitario Mendel (en)
Codanna	bráthair Agaistíneach
Cuid de	Agaistínigh
Suíomh gréasáin	https://www.augustinianorder.org/?lang=es

Is ord rialta de chuid na hEaglaise Caitlicí iad na hAgaistínigh (Laidin: Ordo Sancti Augustini OSA), dream atá ar oird na mbráthar. Cé go bhfaigheann siad inspioráid ó Naomh Aibhistín Hippo (354-430), bunaíodh iad sa bhliain 1256. Ba iad Martin Luther agus Gregor Mendel an dá bhall ba cháiliúla den ord.

Tar éis dó a iompú ina Chríostaí, chum Naomh Aibhistín riail do chumann fíréan, agus í faoi anáil Naomh Antóin na hÉigipte. Chuaigh an cumann seo i neart agus i méid san Afraic Thuaidh, ach níl fianaise ann lena thaispeáint go raibh baint idir an cumann a bhunaigh Naomh Aibhistín agus an t-ord atá inniu ann. Aithnítear, mar sin féin, go raibh a lán manach agus eirimíteach a thug Agaistínigh orthu féin i ndeisceart na hEorpa leathchéad bhliain i ndiaidh bháis Aibhistín sa bhliain 430. Is cosúil gur fhág siad an Afraic Thuaidh de bharr na creiche a rinne na Vandail sna bólaí úd.

Bailíodh tithí de chuid eirimítigh Agaistíneacha i dToscana na hIodáile ag an bPápa Innocens IV i 1244 agus ina dhiaidh sin, chuir an Pápa Alastar IV na bráithreachais Agaistíneacha neamhspleácha san Iodáil, sa bhFrainc, i Sasana agus sa nGearmáin le chéile i 1256, dáta a nglactar leis mar bhunús an Oird mar atá sé inniu. Tá sé eisceachtúil i stair na hEaglaise nuair a chuireann Pápa ord ar bhun dá dheoin féin. D'ainmníodh an Ord Agaistíneach nua mar tríú ord bhráithre. Bhí an stádas sin ag na Proinnsiasaigh agus na Doiminicigh cheana féin agus tugadh an onóir chéanna chuig na Cairmilítigh ina dhiaidh sin. Leathnaigh an Ord nua go tapaidh in imeacht cúpla bliain.

Na hAgaistínigh in Éirinn

Cuireadh teach ar bhun i mBaile Átha Cliath sa bhliain 1280. Bhí na tithe Agaistíneacha in Éirinn bainte leis an bproibhins Sasanach den Ord agus bhí moill ar leathnú amach go dtí an cúigiú aois déag. Ansin tháinig an gluaiseacht léasaithe den ord chun cinn agus cuireadh tithe neamhspleácha ar bhun i gceantair Gaeltachta in Iarthar na hÉireann go háirithe. Bhíodh na tithe seo an tábhachtach san Eaglais Caitiliceach in Éirinn go dtí an Reifirméisin.^[1]

Le linn na Péinndlíthe, ní raibh an ord in ann feidhmiú go hoscailte in Éirinn agus fuair bráithre áirithe bás san ghéarleanúint, ina measc Liam Tuire Beannaithe.

Sa bhliain 1656, bunaíodh Coláiste Agaistíneach na nGael sa Róimh agus tháinig bráithre chun freastal ar Éireann tríd aimsir na Géarleanúna.

Is cuid d’Éirinn nua-aimseartha iad na hAgaistínigh inniu. Roimhe seo, bhí mná rialta Agaistíneach ina gcónaí i gcathair na Gaillimhe.^[2] Sa lá atá inniu ann tá tithe Agaistíneach i nDroichead Átha, i gCathair Bhaile Átha Cliath, i gCathair na Gaillimhe agus i gcathracha eile.

Tagairtí

↑ David Kelly (2005). "The Augustinians in Dublin". Dublin Historical Record 58 (2): 166–175. ISSN 0012-6861.
↑ Galway Advertiser, Thu, Apr 09, 2015. "The Augustinian nunnery". Galway Advertiser. Dáta rochtana: 2021-08-05.

Naisc sheachtracha

Eolas breise as Béarla faoi Agaistínigh

[1] David Kelly (2005). "The Augustinians in Dublin". Dublin Historical Record 58 (2): 166–175. ISSN 0012-6861.

[2] Galway Advertiser, Thu, Apr 09, 2015. "The Augustinian nunnery". Galway Advertiser. Dáta rochtana: 2021-08-05.

[1]

[2]