Margaret Mee
Ealaíontóir luibheolaíoch Briotanach ab ea Margaret Ursula Mee, MBE (22 Bealtaine 1909 – 30 Samhain 1988 ) [1] a rinne speisialtóireacht i bplandaí ó Fhoraois Bháistí na hAmasóine Brasaíle. Bhí sí ar dhuine de na chéad gníomhaithe timpeallachta freisin a tharraing aird ar thionchar na mianadóireachta agus an dífhoraoisithe ar scála mór ar Abhantrach na hAmasóine .
  | |
| Beathaisnéis | |
|---|---|
| Breith | (en) Margaret Ursula Brown 22 Bealtaine 1909 Chesham, England |
| Bás | 30 Samhain 1988 79 bliana d'aois Seagrave, England |
| Siocair bháis | Imbhualadh tráchta |
| Faisnéis phearsanta | |
| Scoil a d'fhreastail sé/sí | Saint Martin's School of Art (en)  Camberwell College of Arts (en) - péintéireacht, dearadh (–1950)Dr Challoner's Grammar School (en) |
| Gníomhaíocht | |
| Gairm | maisitheoir luibheolaíochta, péintéir, ceardchumannaí |
| Teangacha | Béarla |
Gradam a fuarthas | |
Luathshaol
cuir in eagarRugadh Margaret Ursula Brown i Whitehill, Chesham, sa bhliain 1909. D’fhreastail sí ar Scoil Ghramadaí an Dr Challoner, Amersham, agus ina dhiaidh sin Scoil na hEalaíne, na hEolaíochta agus na Tráchtála, Watford . Tar éis tréimhse ghearr ag múineadh i Learpholl bheartaigh sí ar thaisteal thar lear.
Le linn dí a bheith i mBeirlín i 1933, chonaic Brown lasadh an Reichstag agus baghcat na nGiúdach ina dhiaidh sin, rud a dhearbhaigh a tuairimí ón eite chlé. Le linn an Dara Cogadh Domhanda d'oibrigh sí in Hatfield mar línitheoir i monarcha aerárthach de Havilland . [2]
Saol pearsanta
cuir in eagarPhós Mee Reginald Bruce Bartlett i mí Eanáir 1936. Cosúil lena fear céile, bhí sí ina gníomhaí ceardchumann tiomanta don Union of Sign, Glass and Ticket Writers agus chuaigh sí isteach sa Pháirtí Cumannach .[3] Thug Mee aitheasc don TUC i 1937, ag moladh go n-ardófaí an aois fágála scoile agus ina dhiaidh sin tairgeadh post dí bheith ag obair le hErnest Bevin, ach dhiúltaigh sí don tairiscint. Ní raibh an pósadh le Bartlett sona agus, tar éis scaradh fada, colscaradh an deireadh a bhí lena pósadh i 1943. [4] Phós sí Greville Mee, a dara fear céile, i 1980.
Tar éis an chogaidh rinne Mee staidéar ar an ealaín i Scoil Ealaíne Naomh Máirtín i Londain. I 1950 d’fhreastail sí ar an Camberwell School of Arts and Crafts, áit ar fhoghlaim sí a stíl léiriúcháin, agus bhain sí dioplóma náisiúnta amach sa phéintéireacht agus sa dearadh i 1950. Bhog sí go dtí an Bhrasaíl i 1952 chun ealaín a mhúineadh i scoil na Breataine São Paulo, áit a ndeachaigh Greville Mee léi ina dhiaidh sin. Tharla a céad turas go dtí Belém in Abhantrach na hAmasóine sa bhliain 1956. Ansin bhí sí ina healaíontóir luibheolaíoch d'Institiúid de Botanica São Paulo i 1958, ag iniúchadh na foraoise báistí agus go sonrach an stát Amazonas ó 1964, ag péinteáil na bplandaí a chonaic sí, cuid acu nua don eolaíocht, chomh maith le roinnt a bhailiú le haghaidh léirithe ina dhiaidh sin. Chruthaigh sí 400 fóilió de léaráidí gouache, 40 leabhar sceitse, agus 15 dhialann.
Tagairtí
cuir in eagar- ↑ Obituary, The Times, 3 December 1988
- ↑ Margaret Mee profile, Oxford Dictionary of National Biography
- ↑ Margaret Mee – Artist and Rebel. Nonesuch Expeditions. 1988. Retrieved December 2010
- ↑ JSTOR Biography of Margaret Mee. Retrieved December 2010