Neasa Ní Chinnéide
Craoltóir Éireannach agus iarcheannasaí ar Rannóg na gCláracha Gaeilge in RTÉ is ea Neasa Ní Chinnéide.
| Beathaisnéis | |
|---|---|
| Breith | c. 1952 71/72 bliana d'aois Baile an Mhúraigh, Éire  |
| Áit chónaithe | Baile Átha Cliath Tóiceo |
| Gníomhaíocht | |
| Gairm | craoltóir, léiritheoir teilifíse |
| Teangacha | An Ghaeilge |
| Teaghlach | |
| Céile | John Hegarty |
 | |
Is cainteoir dúchais Gaeilge í. Rugadh agus tógadh i mBaile an Mhúraigh i gCorca Dhuibhne í. Rinne sí staidéar ar an tíreolaíocht i gColáiste na hOllscoile, Gaillimh agus bhain sí céim bhaitsiléara amach chomh maith le hArdteastas san Oideachas. Músclaíodh a spéis sa chraoltóireacht le linn na tréimhse seo freisin, agus fuair sí post páirtaimseartha le Raidió na Gaeltachta i gCasla agus í fós ina mac léinn.[1]
Chaith sí ocht mbliana sna Stáit Aontaithe ag tabhairt faoi chéim dhochtúireachta sa tíreolaíocht sular fhill sé ar Éirinn in 1986.[1] Fuair sí post lánaimseartha le Raidió na Gaeltachta, agus thosaigh sí féin agus Seán Ó Tuairisg ag cur an chláir “Cúrsaí” i láthair, clár a bhí á chraoladh cúig oíche sa tseachtain ar feadh tamaill. In 1995, ceapadh í ina Ceannasaí ar Rannóg na gCláracha Gaeilge in RTÉ.[1]
Seirbhís phoiblí cuir in eagar
Bhí sí ina cathaoirleach ar an bhFéile Idirnáisiúnta Scannán agus Teilifíse agus ar Choiste na hÉireann den Bhiúró Eorpach do Theangacha Neamhfhorleathana sna 1990idí.[1]
Saol phearsanta cuir in eagar
Tá sí pósta le John Hegarty a bhí ina phropast ar Choláiste na Tríonóide, Baile Átha Cliath ó 2001 go 2011, agus tá beirt chlainne acu.[2]
Tagairtí cuir in eagar
- ↑ 1.0 1.1 1.2 1.3 "AGALLAMH BEO: Neasa Ní Chinnéide" (2001-06). Dáta rochtana: 2024-02-12.
- ↑ "John Hegarty". Dáta rochtana: 2024-02-12.